• Era Escòla de Tecnics Esportius dera Val d’Aran (ETEVA) daurís eth tèrme d’inscripcion enquiath 4 de març.

• Era ETEVA organize un cors de preparacion as pròves d’accès.

Eth Conselh Generau d’Aran, a trauès dera Escòla de Tecnics Esportius Val d’Aran (ETEVA), realize es següentes pròves d’accès as espòrts d’iuèrn:

– Esquí aupin

– Snowboard

– Esquí de hons (entà convocar era especialitat d’esquí de hons, se requerís un minim de cinc participaires entà poder realizar-les. Se non s’artenh eth minim se retornarà era taxa d’inscripcion)

S’es condicions meteorologiques ac permeten, era pròva se realizarà eth 15 de març.

*Eth termini d’inscripcion ei enquiath 4 de març. Publicacion de listadi provisionaus d’admetudi eth dia 7 de març.

Inscripcion ara pròva:

Era inscripcion ara pròva se poderà realizar e presentar en:

ETEVA- Escòla de Tecnics Esportius Val d’Aran
Ctra. Vielha s/n
25598 SALARDÚ
Tel. 973-644595 Fax. 973-644588
www.eteva.org ò informacion@eteva.org

Es impresi d’inscripcion son disponibles en centre e ena web:
http://www.eteva.org/noticias/172/.

Acte de presentacion dera pròva:

Ei obligatòria era assisténcia damb era originau deth DNI o passapòrt, entà arrecuélher es dorsaus e arrecéber totes es instruccions.

*Er acte se harà ena Sala d’Actes dera ETEVA, entàs 19:00 ores, eth dia 14 de març.

Cors de preparacion as pròves d’accès

Era ETEVA organize un cors de preparacion as pròves d’accès damb es següents objectius:

– Conéisher es pròves d’accès e plaçar-se en nivèu reau de cadun.

-Melhorar era tecnica personau enes abiletats concrètes que s’avaloren enes pròves d’accès.

*Eth cors se realizarà pendent es dies 27, 28 de hereuèr, 5, 6, 12 e 13 de març, de 14:00 a 16:30 ores.

Se pòt hèr era inscripcion mejançant eth formulari eth:
http://www.eteva.org/noticias/173/.

Es places son limitades e s’adjudiquen per orde d’inscripcion.

Vielha, 11 de hereuèr de 2016

Conselh Generau d’Aran: Núria Sanjuan