Meteo

Diuendres Sant damb cèu embaranat e povàs en suspension.

Actualizat: 19/4/2019 7:30

Aué diuendres 19 d’abriu, seguiram damb bromalhs nauti e mieis que velaràn eth solei e en cèrti moments la corbiràn entièraments. Preséncia de povàs nord-african que provocarà un ambient bromós. Pas s’escarte bèra fèbla precipitacion qu’en cas de produsir-se rosigarie un shinhau d’hanga.
Temperatures doces entara epòca (7°/21° en Bossòst; 10°/19° en Salardú).

Eth dissabte 20, pendent eth maitin auram solei velat per bromalhs nauti. Pera tarde aumentarà era nivolositat e se poderien produsir quauqui plojats dispersi entre fèbles e moderadi e que contunharàn pendent era net. Seguirà era preséncia de povàs atmosferic que mos deisharà hanga ath precipitar.
Temperatures similares (7°/19° en Bossòst; 5°/17° en Salardú).

Eth dimenge 21, serà pro caperat damb precipitacions intermitentes de caractèr entre fèble e moderat. Seguiràn es calimes.
Temperatures en descenuda (6°/14° en Bossòst; 4°/11° en Salardú).