Convèni de collaboracion entre eth Conselh Generau d’Aran e er Ajuntament de Naut Aran entath finançament d’ua via herrada en Unha

puidunha

 

Eth sindic d’Aran, Carlos Barrera, e er alcalde de Naut Aran, César Ruiz-Canela, an signat un convèni entà bastir ua via Herrada en Pui d’Unha damb un pressupòst totau de 82.154,50€, des quaus ja a recebut ua subvencion dera Diputació de Lleida de 10.000,00€, e que tanben compde damb ua aportacion dera EMD d’Unha de 10.000,00€. Ara signatura tanben a assistit eth conselhèr d’Espòrts, Luís Carlos Medina.

En paraules deth sindic d’Aran, Carlos Barrera, “aguesta actuacion ei de besonh entà mielhorar era nòsta qualitat toristica e inversions en equipaments toristics e esportius agranissen era aufèrta toristica en ua destinacion de prumèr nivèu coma ei era Val d’Aran.”

Er Ajuntament Naut Aran aportarà un totau de 52.154,50€ ath finançament dera òbra “Via Herrada en Pui d’Unha“”. Eth Conselh Generau d’Aran finançarà damb un maxim de dètz mil èuros (10.000,00€), IVA includit, eth còst d’aguesta òbra.

Comments are closed.