Reserva dera Biosfèra

Candidatura dera Resèrva dera Biosfèra dera Val d’Aran

Eth Conselh Generau d’Aran vò impulsar era candidatura dera Val d’Aran entà arténher eth sòn reconeishement per part dera UNESCO coma Resèrva dera Biosfèra. Aguest sagèth visualizarie eth nòste territòri a nivèu internacionau, coma ua destinacion diferenciada pes sòns paisatges ben conservadi e era apòsta locau de trabalhar per un desvolopament sostenible.

Qué NON ei ua Resèrva dera Biosfèra?

Non se tracte d’ua figura de proteccion addicionau, a despièch qu’òc qu’incorpòre es espacis protegidi ena sua prepausa d’ordenacion territoriau.

Qué ei ua Resèrva dera Biosfèra?

Ua figura de reconeishement e promocion impulsada peth Programa MAB (Man and Biosphere) dera UNESCO, que compòrte era definicion d’un modèu d’ordenacion territoriau a on era poblacion locau n’ei era protagonista. Ath temps ei tanben un reconeishement que distingís un territòri pera sua apòsta de conciliacion e equilibri entre eth desvolopament economic sostenible e era conservacion deth sòn entorn.

Eth programa MAB en quau s’enmarque era Resèrva dera Biosfèra dera Val d’Aran, ei un programa intergovernamentau creat entà establir ues bases scientifiques entà melhorar es relacions entre es persones e eth sòn entorn ambientau. Combine era sciéncia, era economia e era educacion naturau e sociau entà qu’era gent aprengue a comprometer-se a gestionar e hèr a servir, de forma sostenible, es recorsi naturaus.

Mès informacion en enlaç resèrva dera biosfera: http://rerb.oapn.es/

Per qué crear era Resèrva dera Biosfèra dera Val d’Aran?

1

Entà promòir e dinamizar era venda de productes locaus.

8

Entà non pèrder era nòsta identitat.

2

Entà atrèir visitants exigents e damb nautes expectatives, que meten en valor un entorn suenhat e diferenciat.

9

Entà crear un espaci que sigue un punt de trobada entre era sostenibilitat des recorsi e eth desvolopament rurau e locau.

3

Entà mantier es vestigis de formes tradicionaus d’aprofitament des recorsi de manèra sostenible.

10

Entà gestionar espacis ben conservadi, refugis de formes de vida excepcionaus.

4

Entà atrèir inversions e subvencions sostenibles en territòri.

11

Entà desvolopar e poder aufrir experiéncies de gestion e aprofitament respectuós des recorsi.

5

Pr’amor qu’ei un reconeishement de diferenciacion en qualitat ambientau, qu’augmente eth valor deth territòri e melhore era sua competitivitat.

12

Entà aprofitar un hilat a on cada Resèrva se visualize e retroalimente des autes.

6

Entà arténher era conservacion dera nòsta cultura, auviatge, paisatge e entorn.

13

Entà potenciar es investigacions e era divulgacion de tota era riquesa que mos entornege.

7

Entà estimular as empresaris locaus a pensar en modèus de creishement territoriau sostenible, sensible damb er auviatge culturau, sociau e naturau.

Coma se cree ua Resèrva dera Biosfèra?

Entà poder arténher eth reconeishement per part dera UNESCO, cau presentar un dossièr tecnic de candidatura qu’aurà d’èster acceptat e validat peth Comitat Nacionau MAB espanhòu e presentat en Programa MAB UNESCO.
Se tracte d’un procés extens eth quau s’alimente transversaument des resultats obtenguts enes diferents sessions publiques e participatives que s’amien a tèrme.

Coma se redacte eth dossièr tecnic dera candidatura?

Entà poder redactar aguest document, qu’a d’èster consensuat e trabalhat de manèra participativa pes abitants e representants deth territòri s’a de decidir e detalhar:

1

Ua prepausa d’ordenacion territoriau a on se delimiten 3 zònes:

2

Un modèl de governacion participatiu en quau, es organs de gestion seràn persones deth territòri escuelhudes pera ciutadania aranesa. Se decidirà entre toti e totes coma e qui formaràn es organs de gestion.

3

Un modèu de governament a on se descriue es organs de gestion que se prepausen atau coma es sues foncions e organizacion.

Procés de participacion publica

Determinar quin serà eth modèu de governament, quini representats e foncions aurà er organ gestor dera Resèrva dera Biosfèra

1

Consensuar era ordenacion territoriau e era zonificacion dera Resèrva dera Biosfèra

2

Determinar quin serà eth modèu de governament d’aguesta Resèrva

3

Bastir es linhes estrategiques deth Plan d’Accion

Contacte

Ruth Barella: r.barella@aran.org
Xavier Hidalgo: xavier@ineditinnova.com
Sara Arjó: verdeblu@verdeblu.es