Vielha, 16 de març de 2017.- Eth Conselh Generau d’Aran a signat un convèni de collaboracion damb era Escòla Tchaikosky Balh e Musica, e era Escòla Musicau dera Val d’Aran entà sostier e promòir era activitat musicau coma vessant importanta dera promocion e er accès ara cultura.

Eth Conselh Generau d’Aran apòrte 3.000 € a cadua des escòles entà ajudar a finançar es activitats que desvolòpen, entre eres es ensenhaments musicaus e era realizacion d’eveniments e concèrts.

A trauèrs d’aguest convèni, era Escòla Tchaikosky e era Escòla Musicau de la Val d’Aran amiaràn a tèrme ua accion musicau en collaboracion damb eth Conselh Generau d’Aran.