- Era pròva aufrís era possibilitat de caminar o córrer en circuits de quate distàncies: 21 Km, 15 Km e 5 Km, en tot híger enguan coma nauetat un circuit nau d’11 Km.
- Es inscripcions se pòden hèr per internet ena web: www.corsa15pobles.org enquiath dia 25 d’agost, en banc de Sabadell de Vielha enquiath dia 26 e eth dia 27 presenciaus en Conselh Generau d’Aran de 10:00 a 13:00 ores e de 18:00 a 20:00 ores, orari tanben de recuelhuda de dorsaus.
Aguest dimenge, dia 28 d’agost, era Val d’Aran acuelherà ua naua edicion dera Corsa des 15 pòbles, organizada pera Associacion de Volentaris Val d’Aran e damb era collaboracion deth Conselh Generau d’Aran, Ajuntament de Vielha e Mijaran e Deputacion de Lhèida, ath delà dera rèsta d’Ajuntaments e Entitats Municipaus Descentralizades per on se desvolope era Corsa.
Era pròva aufrís era possibilitat de caminar o córrer en circuits de quate distàncies: 21 Km, 15 Km e 5 Km, en tot híger enguan coma nauetat un circuit nau d’11 Km.
Es recorreguts se desvolopen pes desparièrs pòbles dera zòna deth Baish e Miei Aran, damb inici en Es Bòrdes e fin en Vielha, a excepcion d’era de 5 Km qu’ei era carrèra juvenila e ges des de Montcorbau, maugrat que tanben ei daurida a toti es publics que volguen hèr-la en tot caminar.
Es inscripcions se pòden hèr per internet ena web: www.corsa15pobles.org enquiath dia 25 d’agost, en banc de Sabadell de Vielha enquiath dia 26 e eth dia 27 presenciaus en Conselh Generau d’Aran de 10:00 a 13:00 ores e de 18:00 a 20:00 ores, orari tanben de recuelhuda de dorsaus.
En paraules deth president des Volentaris d’Aran, Roberto Boya,“es Volentaris d’Aran consideram qu’aguesta corsa ei fòrça importanta entara Val d’Aran tant a nivèu esportiu coma toristic e patrimoniau”.
Pera sua part, era conselhèra de Torisme e Desvolopament Economic d’Aran, Anna Díaz a manifestat “era Corsa des 15 pòbles poténcie eth senderisme ena Val d’Aran, atau coma permet gaudir d’ua rota de trekking combinada damb era visita pes pòbles d’Aran e, a causa dera sua nauta participacion, hè difusion dera Val d’Aran e ath delà collabore ena desestacionalizacion deth torisme. Atau donques, aguesta corsa a passat a formar part deth patrimòni naturau e istòric dera Val d’Aran.”
Modalitats, prètzi e recorregut
- Caminata de 15 e 21 Km
– Caminata de 21 Km: 1300 m de pujada e 1200 m de baishada
– Caminata 15 Km: 830 m de pujada e 730 m de baishada
– Prètz inscripcion: 20€.
– Orari de gessuda: 09:00 ores
– Poblacion de Gessuda: Es Bòrdes
Entàs menors de 18 ans, ei IMPRESCINDIBLE era autorizacion des pairs o tutors qu’auràn de presentar-la eth dia dera recuelhuda deth dorsau. Se non, NON PODERÀN PARTICIPAR.
- Caminada 5Km
– 200 m de baishada
– Orari de gessuda: 11:00 ores
– Poblacion de gessuda: Montcorbau
– Prètz inscripcion: 10€
Entàs menors de 18 ans, ei IMPRESCINDIBLE era autorizacion des pairs o tutors qu’auràn de presentar-la eth dia dera recuelhuda deth dorsau. Se non, NON PODERÀN PARTICIPAR.
- Carrèra 11 Km: Trofèu Arturo Riba
– Corsa d’11,20 Km
– Desnivèu acumulat positiu 520 m
– Temps maximal entà completar era carrèra: 4 ores
– Numerò de pujades fòrtes: 2
– Avitualhaments: Pònt d’Arròs, Betlan e Mèta
– Temps estimat: 1èr. corredor: 1:00 ora // Corredor miei: 1:30 ores. // Darrèr corredor: 2:15 ores.
– Dificultat tecnica: 5 sus 10
– Poderàn inscriuer-se es majors de 18 ans e es menors
– Orari de Gessuda: 09:00 ores
– Poblacion de Gessuda: Es Bòrdes
– Prètz d’inscripcion: 20€
Entàs menors de 18 ans, ei IMPRESCINDIBLE era autorizacion des pairs o tutors qu’auràn de presentar-la eth dia dera recuelhuda deth dorsau. Se non, NON PODERÀN PARTICIPAR
- Carrèra – Corsa 15 Pòbles
– Corsa 21,50 Km
– 1300 m- de pujada e 1200 de baishada
– Temps maximal entà completar es Còrses 5 ores
– Numerò de de pujades fòrtes: 3
– Avitualhaments: Arres, Vilamòs, Pont d’Arròs, Vila, Betlan, Mont e Mèta
– Poderàn inscriuer-se es majors de 18 ans e es menors damb autorizacion des pairs o tutors
– Orari de Gessuda: 09:00 ores.
– Poblacion de Gessuda: Es Bòrdes
– Prètz d’inscripcion: 20€
Entàs menors de 18 ans, ei IMPRESCINDIBLE era autorizacion des pairs o tutors qu’auràn de presentar-la eth dia dera recuelhuda deth dorsau. Se non, NON PODERÀN PARTICIPAR.
- Carrèra – Trofèu Roland Giné
– Corsa Juvenila de montanha de cuert recorregut. 5Km, 200 m de baishada
– Poderàn inscriuer-se es neishudi en an 2000 e següents
– Orari de gessuda: 11:00 ores.
– Poblacion de gessuda: Montcorbau
– Prètz inscripcion: 10€
En èster todi es participants menors de 18 ans, ei IMPRESCINDIBLE era autorizacion des pairs o tutors qu’auràn de presentar-la eth dia dera recuelhuda deth dorsau. Se non, NON PODERÀN PARTICIPAR.
Es prètzi dera inscripcion includissen:
– Inscripcion ena modalitat seleccionada.
– Segur d’accidents
– Borsa deth corredor damb obsequi ath participant (important méter era talha de samarreta ena inscripcion)
– Transpòrt des de Vielha enquiath punt de gessuda des pròves
– Diplòma acreditatiu dera participacion
– Servici de sauvaròba
– Massatges e doches
– Avitualhaments pendent es pròves e ena arribada a mèta
– Participacion en tòies de regals, a compdar deth liurament de trofèus ena mèta.
IMPORTANT: Per motius de logistica, era organizacion NON PÒT GARANTIR qu’es inscrits es dies 26 e 27 dispausen deth madeish materiau de promocion, ne era sua participacion ena tòia.
Prèmis
– Trofeu Roland Giné Corsa Juvenila: Trofèu as tres prumèrs classificadi categoria masculin e femenin.
– Corsa 15 pòbles Mieja Maraton: Trofèu as tres prumèrs classificadi categoria masculin e femenin.
– Trofèu Maribel e Iñigo ath mès veteran masculin e femenin.
– Trofèu Arturo Riba – Corsa 11 Km Trofèu as tres prumèrs classificadi categoria masculin e femenin.
– Trofèu Corsa 15 Pòbles as tres prumèrs classificadi categoria masculin e femenin.
– Trofèu Corsa 15 Pòbles Veterani as tres prumèrs classificadi masculin e femenin majors de 45 ans.
– Trofèu Corsa 15 Pòbles Especiau as tres prumèrs classificadi masculin e femenin menors de 20 ans.
Programa
– Dissabte dia 27 d’agost
De 10:00 a 13:00 ores e de 18:00 a 20:00 ores: Inscripcions presenciaus e recuelhuda de dorsaus en Conselh Generau d’Aran (Passèg dera Libertat 16. Vielha).
– Dimenge 28 d’agost
De 07:30 a 08.15 ores. Gessuda deth transpòrt cap ara poblacion d’Es Bòrdes des dera parada der autobús de Vielha (Av. Alcalde Calbetó Barra- Deuant d’Era Audiovisuau).
Tàs 09:00 a 10:00 ores. Gessuda d’Es Bòrdes des desparières pròves (21Km, 15 Km e 11 Km).
De 09:30 a 10:15 ores. Gessuda deth transpòrt cap a Montcorbau, des dera parada der autobús de Vielha (Av. Alcalde Calbetó Barra- Deuant d’Era Audiovisuau).
Tàs 11:00 ores. Gessuda de Montcorbau dera Corsa Trofèu Roland Giné (Corsa Juvenila) e dera Caminata de 5Km.
13:00 ores. Barrament dera pròva en Betlan, a 5 km dera mèta.
13:00 ores. Despartiment de prèmis ena Plaça deth Conselh en Vielha e despartiment de regals dera tòia.
14.00 h. Barrament de Mèta en Vielha.
Informacion Importanta
– Es inscripcions auràn de hèr-se a trauès dera web dera “Corsa des 15 pòbles” www.corsa15pobles.org enquias 24:00 ores deth 25 d’agost.
– Tanben en Banc de Sabadell de Vielha : enquiath 26 d’agost tàs 14:00 ores.
– E presenciaument: eth Dissabte 27 de 10:00 a 13:00 ores e de 17:00 a 20:00 ores en Conselh Generau d’Aran.
– Era organizacion non garantís poder facilitar eth madeish materiau as que s’inscriuen es dus darrèri dies (26 e 27), per motius logistics.
– Caminada de 15 e 21 Km: 20€
– Caminada 5 Km: 10€
– Carrèra Corsa 11 Km: 20€
– Carrèra Corsa 15 pòbles : 20€
– Carrèra Juvenila Trofèu Roland Giné: 10€.
– Es participaints auràn d’èster majors de 18 ans.
– Entà poder participar, es MENORS D’EDAT auràn de presentar era AUTORIZACION des pairs o tutors eth dia deth liurament deth dorsau.
– Era pròva se barrarà entàs 13:00 ores, ena poblacion de Betlan, 5Km abans dera mèta. Es que non agen passat ad aguesta ora, auràn de retirar-se o liurar eth dorsau, se se vò contunhar serà jos era sua responsabilitat.
– Era organizacion non assumirà cap responsabilitat s’er eveniment se suspen o s’ajorne per rasons de fòrça major.
– Era classificacion dera “Corsa e Caminata des 15 Pòbles” se harà mejançant eth sistèma de chip ChipRunning. Per’mor qu’eth sòn emplec ei OBLIGATÒRI.
– Eth participant, en moment dera sua inscripcion, manifèste trobar-se fisicaments apte entad eveniment, per açò participe jos era sua unica responsabilitat e pròpri risc, en tot acceptar eth present reglament.
– Es donades personaus des inscriti seràn incorporadi a un fichèr proprietat de Chiprunning, damb era finalitat de corsar era sollicitud d’inscripcion, gestionar es clasificacions e resultats e enviar publicitat sus campanhes e productes restacadi damb era pròva.
– Damb era sua signatura, eth participant consentís e autorize a Chiprunning a que tracte es sues donades personaus segontes es finalitats expausades.
Vielha, 25 d’agost de 2016
Conselh Generau d’Aran: Núria Sanjuan