Eth Plen deth Conselh Generau d’Aran en session extraordinària a aprovat eth padron de cobrament dera taxa deth servici de recuelhuda de lordères e eth sòn tractament entad an 2017 ena Val d’Aran.

Eth Conselh Generau d’Aran a atribuïda era competéncia deth servici de recuelhuda domiciliària des residus solids urbans e eth sòn tractament mejançant era delegacion que, en sòn dia, efectuèren es diuèrsi ajuntaments dera Val d’Aran, s’a elaborat eth padron crubatòri dera taxa d’aguest servici corresponent ar exercici 2017.

Dat qu’er impòrt deth padron de lordères corresponent ar an 2017 puge a un totau d’un milion quate cents setanta cinc mil cent seishanta sies èuros damb trenta un centims (1.475.166,31 €) era quau causa supause un increment de trenta sèt mil nau cents cinquanta dus èuros damb quaranta tres centims (37.952,43 €) respècte eth padron iniciau aprovat en exercici 2016.

Eth Plen tanben a aprovat era contractacion entara “Explotacion, conservacion e mantienement des sistèmes de sanejament dera Val d’Aran” en favor dera UTE ACSA OBRAS E INFRAESTUCTURAS SA – S.A. AGRICULTORES DE LA VEGA DE VALENCIA – DEPURACIÓN DE AGUAS DEL MEDITERRANEO SL, dat qu’era sua ei era aufèrta presentada economicament mès avantatjosa entara administracion e que, a mès, complís damb totes es formalitats exigides en Plec de Clausules aprovat eth 24 de març de 2015.

Vielha, 16 de gèr de 2017

Conselh Generau d’Aran: Núria Sanjuan