Vielha, 14 de hereuèr de 2019.- Eth Grop de Rescat de Montanha (GRM) des Pompièrs d’Aran a participat aguesta setmana en dus jornades de practiques de rescat de montanha damb lauegi en Andòrra e en Le Mourtis (França).

Es jornades an consistit ena coordinacion des desparièrs grops qu’actuen en un scenari de multiples victimes en cas de laueg, dera transferéncia d’informacion e des diuèrses fases deth rescat: avís der accident, accion der operatiu, recèrca, rescat organizat e tractament des possibles victimes.

Era prumèra des jornades a estat organizada per Pompièrs d’Andòrra, e era dusau a estat ua invitacion dera Gendarmería Francesa, damb ua jornada practica realizada en Le Mourtis.

Eth responsable deth GRM es Pompièrs d’Aran, Juanmi Riu, expliquèc qu’enes jornades s’an utilizat toti es metòdes d’investigacion deuant un accident provocat per un laueg, atau coma es desparièrs tractaments dera atencion sanitària as victimes, en tot simular es diuèrsi modèls d’evacuacion damb elicoptèr medicalizat.