Eth Tiquet Rural ei ua iniciativa pensada entà dinamizar eth mon rurau mejançant eth supòrt ara creacion de naues empreses e eth relèu d’aqueres que ja i a. Aguesta linha d’ajudes a coma objectiu principau afavorir era emprenedoria, generar activitat economica e contribuir a frenar eth despoblament en territòris ruraus.

Eth programa aufrís enquia 35.000 euros entà facilitar era metuda en marcha de projèctes empresariaus viables, e tà garantir era continuitat d’empreses en traspàs. D’aguesta manèra, se promò un teishut economic mès fòrt e sostenible, arraïtzat en territòri.

Ath delà deth supòrt economic, eth Tiquet Rural compde damb er acompanhament des Grops d’Accion Locau (GAL), qu’aufrissen assessorament de proximitat e qualificat ath long de tot eth procès. Aguesti organismes ajuden as persones emprenedores a definir e consolidar es sues idees, e a assegurar era viabilitat des projèctes.

Eth tèrme entà presentar es sollicituds ei dubèrt enquiath 20 d’abriu. Es persones interessades pòden consultar es bases dera convocatòria e tota era informacion detalhada en: https://www.leaderpirineuoccidental.cat/tiquet-rural-2026/ .

Aguest programa represente ua oportunitat clau entà toti aqueri qu’an ua idea e la vòlen desvolopar en mon rurau, entà contribuir ath desvolopament economic e sociau deth territòri.

Vielha, 25 de Març de 2026