• Eth patinador aranés, Tòn Cónsul, se tròbe en Viena damb era equipa nacionau en tot hèr concurréncia aguesta dimenjada en Memorial Hellmut Seibt.

Eth patinador aranés, Tòn Cónsul Vivar, a finalizat prumèr eth programa cuert júnior masculin en Hellmut Seibt (Viena) damb un programa practicaments net: triple salchow + triple toe, triple flip, doble axel, nivèus 4 enes piruetes e 3 enes passi. Puntuacion: 58,18.

Deman dissabte, 27 de hereuèr, Tòn realizarà eth programa long.

Tòn Cónsul, signèc un convèni damb eth Conselh Generau d’Aran e Foment Torisme Val d’Aran entà promòir era destinacion toristica esportiua Val d’Aran peth mon, representada ena imatge e enes valors deth joen patinador, e dera sua equipa, mejançant eth patrocini institucionau.

Vielha, 26 de hereuèr de 2016

Conselh Generau d’Aran: Núria Sanjuan