Vielha, 21 de març de 2019.- Eth pròplèu dissabte 23 de març se celèbre en Baqueira Beret era 10au edicion dera Marxa de Raquetes de Parros organizada per AE Matxacuca e Era Pòrta d’Aran, damb era collaboracion der Ajuntament de Naut Aran, Conselh Generau d’Aran, Baqueira Beret, Volentaris Val d’Aran e era FEEC.

Era Marxa e corsa de raquetes damb era gessuda e arribada en Baqueira Beret e que recor es bòsqui de Parros ei integrada en calendari de Raquetes de Nhèu dera FEEC.

Ena Marxa de raquetes de Parros 2019 se dispute era XIIau Copa Catalana, XIVau Circuit Catalan e Campionat de Catalonha de Raquetes de nhèu.

Es inscripcions se pòden formalizar online en http://raquetesparros.matxacuca.cat/

Eth prètz des inscripcions ei de 15 € es adults e de 5 € mainatges e mainades enquia 13 ans.