•Eth Conselh Generau d’Aran, RTVE e era Universitat Pompèu Fabra an estat es organizadors der eveniment e ja an anonciat ua dusau edicion entar an que ven en Aran.
•Pendent eth Congrès, eth Conselh Generau d’Aran a presentat eth projècte entà crear ua Factoria de contenguts audiovisuaus en aranés a trauès der emplec des naues tecnologies.
Aguest passat dijaus e diuendres, se celebraue eth I Congrès Internacionau sus Comunicacion, Tecnologia e Lengües minoritàries organizat peth Conselh Generau d’Aran, RTVE e era Universitat Pompeu Fabra, a servit entà debàter sus era IA e es naues tecnologies coma aliades des lengües minoritàries ena creacion de contenguts periodistics e audiovisuaus. Ua trobada que servie entà explorar eth potenciau dera IA e d’autes nauetats tecnologiques entath foment des lengües minoritàries der Estat e d’aute realitats lingüistiques europèes.
Eth congrès a compdat damb era col·laboracion deth “Grop de Recerca en transformacions enes mieis audiovisuaus e esra sua implicacion en desvolopament politic, culturau e sociau” dera Universitat de Lleida, damb eth supòrt dera Secretaria Generau entath Repte Demografic deth Ministeri entà era Transicion Ecologica e eth Rèpte Demografic, e eth Departament de Presidéncia dera Generalitat de Catalunya.
Damb vocacion internacionau, era trobada analizaue coma era tecnologia pòt convertir-se en ua oportunitat entà crear e enfortir espacis comunicatius pròpris, ath delà de conéisher es experiéncies e politiques comunicatives desvolopades per lengües damDamb vocacion internacionau, era trobada analizaue coma era tecnologia pòt convertir-se en ua oportunitat entà crear e enfortir espacis comunicatius pròpris, ath delà de conéisher es experiéncies e politiques comunicatives desvolopades per lengües damb un major nombre de parlants, com eth catalan o er euskera.
Eth congrès a auut ua doble ua doble versant: comunicacions especializades d’investigadors e investigadores en comunicacion, tecnologia dera informacion e lengües minoritàries e taules redones e conferéncies dubèrtes a toti es publics.
Es tematiques principaus an estat:
• IA e naues tecnologies entara creacion de contenguts audiovisuaus en lengües minoritàries.
• Viabilitat de formats periodistics en lengües minoritàries.
• Hilats sociaus e contenguts viraus en lengües minoritàries.
Pendent eth Congrès s’anoncièc qu’eth govèrn d’Aran trebalhe ena creacion d’ua factoria tà generar contenguts audiovisuaus en aranés en tot emplegar es naues tecnologies que tanben pogue replicar-se a trauès dera IA a d’aues lengües.
Era sindica d’Aran Maria Vergés manifestaue que “damb aguesta Factoria impulsaram tanben era formacion de persones deth territòri damb coneishement ena matèria tà que poguen generar contenguts en aranés que tanben a trauès dera IA poguen èster replicades en d’autes lengües minoritàries” E higie“Ei de besonh entà que lengües petites coma era nòsta, que non an es madeishes oportunitats e recorsi que es lengües mè granes, agen aquest espaci de visibilitat”.
Vielha, 30 de noveme de 2025