Deman, dissabte 24 de gèr de 2026, eth Plan de Beret acuelherà ua naua edicion d’Era Pujada 2026 – Cronoski, ua pròva d’esquí de montanha entà toti es aficionats dera montanha e des espòrts d’iuèrn.

Era competicion demore arribar as 50 participants e se harà sus un recorrut classic e istoric dera Val d’Aran, fòrça estimat pes esportistes, que permet rebrembar es valors dera montanha: esfòrç, superacion, respècte entath miei naturau e convivéncia.

Eth Conselh Generau d’Aran aufrís supòrt ad aguesta iniciativa coma part dera sua estratègia de foment dera practica esportiva e de diversificacion dera aufèrta d’espòrts d’iuèrn, damb era volontat de posicionar era Val d’Aran coma territòri de referéncia en disciplines emergentes e de naut nivèu.

Era disciplina d’esquí de montanha, qu’ei ja reconeishuda coma espòrt olimpic entàs Jòcs Olimpics d’Iuèrn de Milano-Cortina, represente ua oportunitat estrategica entà projectar era Val d’Aran coma destinacion de montanha innovadora, modèrna e comprometuda damb eth desvolopament esportiu sostenible.

Eth Govèrn d’Aran reafirme atau eth sòn compromís damb eth desvolopament der espòrt coma motor de coesion sociau, salut, educacion e dinamizacion economica deth territòri, e met en valor era capacitat deth territòri entà acuélher eveniments esportius damb projeccion de futur.

Eth Conselh Generau vò arregraïr as organizadors, volontaris e collaboradors era sua implicacion e convidar ara ciutadanetat e as visitaires a gaudir d’aguesta jornada esportiva ena montanha aranesa.

Vielha 23 de gèr de 2026