Eth Conselh de Govèrn deth Conselh Generau d’Aran, a aprovat era concession de subvencions en airau d’espòrts entar an 2026, damb er objectiu de dar supòrt ath teishut esportiu aranés e fomentar era practica esportiva en tot eth territòri.

Aguestes ajudes an coma finalitat impulsar, promòir e consolidar es activitats esportives organizades per clubs, associacions e entitats deth territòri, e contribuir ath desvolopament der espòrt de basa, era formacion esportiva, era promocion d’abituds saludables e era participacion en competicions e activitats esportives ath long der an.

Atau madeish temps, era convocatòria vò refortir eth papèr der espòrt coma element de coesion sociau, educatiu e territoriau, en tot afavorir iniciatives que genèren impacte positiu ena comunitat e que contribuïsquen a mantier viu eth dinamisme esportiu dera Val d’Aran.

Eth periòde temporau d’execucion des activitats subvencionables compren es activitats que se hèsquen entre er 1 de gèr de 2026 e eth 31 de deseme de 2026. 

Es bases dera convocatòria se pòden consultar en: 

Bases dera convocatòria de subvencions en espòrts 2026

Tota era informacion relativa ara convocatòria, atau coma es documents de besonh entà presentar era sollicitud, se pòt consultar ena web oficiau deth Conselh Generau d’Aran (Subvencions deth Conselh Generau d’Aran entar exercici 2026 | Conselh Generau d’Aran) 

 Entà quinsevolh dobte o consulta, es persones e entitats interessades se pòden adreçar ath Departament d’Espòrts a trauès deth corrèu electronic: esports@aran.org  

Vielha, 27 de mai de 2026