Eth Conselh Generau d’Aran informe que ja a començat eth procès de distribucion des naui pegasolets identificatius entath contròtle der accès motorizat ath miei naturau dera Val d’Aran.

Aguesti naui pegasolets, que seràn valids pendent eth periòde 2026-2030, permeteràn milhorar eth contròtle des veïculs autorizadi e facilitar era aplicacion dera naua Ordenança reguladora der accès motorizat ath miei naturau.

Es pegasolets se poiràn recuélher enes ajuntaments dera Val d’Aran a on eth titular deth veïcul pague er Impòst deth Veïcul de Traccion Mecanica (IVTM).

Entà recuelher-les, calerà facilitar era matricula deth veïcul e verificar que se complissen es condicions establides.

Eth Conselh Generau d’Aran rebrembe qu’es autorizacions especifiques entà d’auti casi, com tàs trabalhadors des refugis, explotacions ramadères, trebalhs forestaus, estudis scientifics o activitats excepcionaus, s’auràn de sollicitar dirèctament ath Departament de Territòri, Paisatge e Cambi Climatic deth Conselh Generau d’Aran.

Aguesta regulacion permeterà milhorar era gestion der accès tàs endrets naturaus mès sensibles pendent es periòdes de mès afluéncia der ostiu.

Atau madeish, ath long dera sason d’ostiu de 2026 se tornaràn a aplicar limitacions temporaus d’accès motorizat en diuèrses ribères dera Val d’Aran, com Valarties, Aiguamòg, Artiga de Lin, Varradòs, Bassa d’Oles e Bassa d’Arres.

Vielha, 10 de junh de 2026