Es pròplèus dies 11-12-13-14 e 15 de deseme aurà lòc ena Val d’Aran: Vielha, Arties, Salardú, atau coma ena Estacion d’Esquí Baqueira-Beret, eth CDIA- ARAN SNOW EVENT damb especiau atencion en Campus “Hemna e Espòrt” d’Esquí Aupin Adaptat. Aguestes jornades son organizades peth CDIA: Centre d’Espòrts d’Iuèrn Adaptat, a on se desvolòpen es programes Naut Rendiment, Tecnificacion e Deteccion de Talents d’Espòrts d’Iuèrn, en tot apartier ara Federacion Espanhòla d’Espòrts entà Persones damb Discapacitat Fisica (FEDDF) e era Federacion Espanhòla d’Espòrts entà Persones damb Paràlisi Cerebral (FEDPC) , damb eth supòrt deth Consejo Superior de Deportes y dera Fundación Repsol entre auti collaboradors.
Es objectius dera activitat se centren a hèr conéisher as esportistes, equipes e programes deth CDIA, eth desvolopament deth Campus “Hemna e Espòrt”, potenciar es vies de comunicacion e preséncia enes mejans des espòrts d’iuèrn adaptat entara sua divulgacion e promocion, atau coma era aproximacion e integracion des esportistes damb discapacitat a trauès der espòrt ena societat.
Ad aguest efècte, se realizarà era Presentacion Oficiau d’Equipes Nacionaus d’Espòrts d’Iuèrn Adaptat, ua Taula Redona damb professionaus deth sector, ena quau actuaràn coma ambaishadors eth jornalista Jose María García e era actritz Miriam Diaz Aroca, seguit dera presentacion e arregraïment a toti es Patrocinadors e Ambaishadors deth CDIA, en tot culminar ua des jornades damb un Sopar Blanc Benèfic que preten de forma dirècta requectar hons qu’anaràn destinadi ara promocion des nòsti actuaus e futurs esportistes d’Espòrts d’Iuèrn. Esportistes d’arreconeishut prestigi coma Gemma Hassen-Bey o Aymar Navarro seràn bèri uns des presents en aguest sopar de gala.
Basam era filosofia der eveniment enes valors universaus qu’anaràn associadi a cadun des participants, en tot destacar en prumèr lòc e entà toti, eth de integracion, respècte e igualtat; entàs esportistes: eth der esfòrç, eth compromís e eth trabalh en equip; e sustot entà toti es assistents, ponents, collaboradors, patrocinadors e ambaishadors der eveniment, eth caractèr solidari dera sua participacion eth quau sense eri serie inviable aguesta celebracion.
PROGRAMA CDIA ARAN SNOW EVENT
- Diuendres, 11 de deseme.
Conselh Generau d’Aran (Vielha)
19:00-21:00: Benvenguda esportistes e Recepcion des convidadi.
- Dissabte 12 de deseme.
BERET:
09:00-14:00: Dia 1 Campus Hemna e Espòrt: Esquí Adaptat.
11:00-13:00: Esquí VIP dirigit pes tecnics deth CDIA entà representants deth Pool de patrocinadors, ambaishadors der eveniment e convidadi.
ARTIES: Glèisa Sant Joan: Eveniment Principau
A compdar des 17:45: Recepcion de personalitats, convidadi e assistents.
18:00: Benvenguda a toti es assistents.
18:15: Presentacion Equips Nacionaus.
18:30: Presentacion d’Ambaishadors deth Cdia.
18:45: Presentacion empreses deth Pool e Taula Redona.
19:15-20:45: Taula redona espòrts d’iuèrn adaptat:
Ahèrs:
- Hemna e Espòrts d’Iuèrn Adaptat (30’)
- Espòrt-Salut- Integracion (30′)
- Gessudes professionaus. Titòl entà toti: Tecnics “adaptats” en espòrts d’iuèrn. (30’)
21:00: “Brindis” e clausura der acte entà toti es assistents.
21:30: Sopar Blanc Benefic.
- Dimenge, 13 de deseme.
BERET:
09:00-14:00: Dia 2 Campus Hemna e Espòrt: Esquí Adaptat.
16:00-17:00: Activitats tecnic-fisiques deth campus en Poliesportiu de Salardú.
- Deluns, 14 de deseme.
BERET:
09:00-14:00: Dia 3 Campus Hemna e Espòrt: Esquí Adaptat.
16:00-17:00: Activitats tecnic-fisiques deth campus en Poliesportiu de Salardú.
- Dimars 15 de deseme.
BERET:
09:00-13:00: Dia 4 Campus Hemna e Espòrt: Esquí Adaptat.
13:00-13:30: Finalizacion des activitats de nhèu deth campus e autrejament de diplòmes.
13:30: Dinar en Restaurant de Beret e clausura oficiau der eveniment.
Mès informacion: DOSSIER CDIA ARAN SNOW EVENT o en andres@cdia.es