Convèni de collaboracion entre eth Conselh Generau d’Aran e era Associacion Esportiva Èm Aran

Era sindica d’Aran,Maria Vergés e eth President dera Associacion Esportiva ÈM Aran, Eduardo Puente an signat aguest convèni ena sedença deth govèrn aranés a on i a estat present eth vice-sindic tresau e conselhèr d’Espòrts, Javier Cavero.

Aguesta pasada setmana se signaue eth nau convèni de collaboracion entre eth Conselh Generau d’Aran e era Associacion Esportiva ÈM Aran. Entre es activitats organizades per Èm Aran, restacar era Corsa des 15 Pòbles, que enguan passe pera sua 28au edicion.

Un eveniment esportiu, que trauèsse era Val d’Aran, e represente un pilar dera promocion deth senderisme e deth torisme sostenible.

Era sindica Maria Vergés “reconeish era importància dera Corsa des 15 Pòbles coma motor toristic e esportiu, ath delà der atractiu que supòse eth sòn recorrut ath torn deth patrimòni aranés en sòn pas per ua part importanta des pòbles aranesi”.

Eth Conselh Generau d’Aran, damb aguest convèni, a hèt ua aportacion economica de 4 mil euros ua collaboracion que refòrce eth compromís dera institucion damb era promocion der espòrt e dera cultura aranesa, consolidant era Corsa des 15 Pòbles coma una cita essenciau e integradora dera Val d’Aran.