• Es dues activitats compden damb eth supòrt deth Conselh Generau d’Aran

Èm Aran, era organizacion sense interès lucratiu, organize aguest dissabte 30 d’agost era 28au edicion dera Corsa des 15 pòbles e tanben era Olimpiada Infantila, que se harà eth 31 d’agost en Arties, damb jòcs esportius e corses tàs neishuts e neishudes entre es ans 2012 e 2022. 

Èm Aran Sports Foundation, creada en 2020 per un corròp de joeni aranesi, se finance mejançant era organizacion d’eveniments e subvencions e aportacions d’entitats publiques e privades. 

Èm Aran despartirà enguan bèques per un valor de ueit mil cinc cents euros (damb ajudes tà 8 esportistes e entitats de fotbòl esportives araneses), uns sòs que provien d’eveniments e dera venta de materiau esportiu promocionau dera associacion.

Era Corsa e caminada des 15 pòbles, damb gessudes d’Es Bòrdes e Betlan e damb arribada en Vielha, compde damb era collaboracion de Volentaris d’Aran entad aguesta classica deth trail aranés.

Era Corsa des 15 pòbles, cònste de: 

Corses: damb distàncies de 21 km, 11 km e 5 km. 

Caminades de 15 km e 5 km. 

Es dues trobades ludiques e esportives compden damb eth supòrt deth Conselh Generau d’Aran.

Es inscripcions online son dubèrtes enquias 23.59ores d’aguesta net en ligam: https://inscripcion.wefeelevents.com/es/evento/aran-per-esport e es inscripcions presenciaus se dauriràn deman diuendres, 29 d’agost, en Poliesportiu de Vielha, des 16.00 enquias 20.30 ores.

Entara Olimpliada Infantila Èm Aran, es inscripcions se pòden hèr eth dimenge 31 d’agost, a compdar des 9.00 ores, en Arties. 

Vielha, 28 d’agost de 2025