• Eth conselhèr d’Espòrts, Javier Cavero recebec eth prèmi en IFEMA en motiu deth Sports SUMMIT Madrid.

Era Asociación del Deporte Español (ADESP), entitat de referéncia en foment dera sostenibilitat enes emplecs esportius, a trauès deth Projecte LIBERA, liure ara Val d’Aran eth reconeishement pera sua collaboracion en Plan d’Accion peth Mèdi Ambient deth Deporte Español: Green Sport Flag.

Un plan qu’a coma èish centrau eth Projècte LIBERA, ua iniciativa comuna d’Ecoembes e SEO/BirdLife, que promò era economia circulara, eth reciclatge e era conservacion deth mèdi naturau.

ADESP, coma entitat encargada d’integrar eth sector esportiu en aguesta iniciativa, a impulsat accions concrètes qu’amassen era sostenibilitat e era practica esportiva. Entre aqueres accions, cau parlar des Fòrums Green Sport Flag LIBERA, que s’an hèt en diferenti endrets deth territòri espanhòu gràcies ara implicacion de regions com era Val d’Aran.

Aguesti fòrums an jogat ua foncion fondamentau ena creacion de consciéncia, en compartir bones practiques e en consolidar un modèl esportiu comprometut damb era proteccion deth mèdi ambient. Era Val d’Aran, enes darrèrs dus ans, a acuelhut un d’aguests fòrums, e s’a convertit en un aliat important ena construccion d’un espòrt mès sostenible.

Vielha, 23 de junh de 2025