• Era equipa de Santa Coloma ei eth dusau viatge que realize eth sòn stage ena Val d’Aran en tot entrenar en Palai d’Espòrts de Vielha e en entorn naturau unic qu’aufrís Aran

• Era Val d’Aran pòrte bèri ans en tot arrecéber era visita de diferentes equipes esportius d’elèit pendent era sason d’ostiu

Era equipa Marfil Santa Coloma compausat per 16 jogadors an realizat pendent aguesta er stage de pretemporada ena Val d’Aran en tot realizar.

Era equipa a estat installat en Otèl Sol Vielha e pendent aguesti dies es jogadors an combinat es sessions fisiques en un entorn naturau unic e damb temperatures doces, damb eth trabalh de pista en Palai d’Espòrts de Vielha.

Era equipa a estat recebuda aué, 14 d’agost, peth conselhèr d’Espòrts d’Aran, Luis Carlos Medina, e pera conselhèra de Torisme e Desvolopament Economic d’Aran, Anna Díaz, es quaus ath delà d’arregraïr-les era eleccion dera Val d’Aran entà realizar eth sòn stage les an desirat ua fòrça bona temporada.

Era Val d’Aran s’a anat plaçant enes darrèri ans coma era destinacion preferida per diuèrses equipes d’elèit de diferenti espòrts entà realizar part dera sua preparacion fisica mesi abans de començar era sason.