Eth director dera Agéncia de Residus de Catalonha visite es òbres dera planta de transferéncia de residus dera Val d’Aran

Pendent era sua visita, Josep Mª Tost, director dera Agéncia de Residus de Catalonha a informat ath sindic d’Aran, Carlos Barrera, era aportacion economica de 250.000€ destinadi ara reconstruccion dera deishalheria de Vielha destruïda pes inondacions deth 2013.

????????????????????????????????????

Eth sindic d’Aran, Carlos Barrera, eth conselhèr de Territòri d’Aran, Jose A. Boya, e er assessor tecnic deth Conselh Generau d’Aran en matèria de recuelhuda de residus ena Val d’Aran, Josep Ma. Insausti, an acompanhat ath director dera Agéncia de Residus de Catalonha, Josep Mª Tost, ena visita des òbres d’adeqüacion dera antiga incineradora coma planta de transferéncia de residus dera Val d’Aran, plaçada ena boca Nòrd deth tunèl de Vielha.

Era accion ei avalorada en 1.239.228,44 èuros. Era Agéncia Catalana de Residus autregèc ua subvencion ath Conselh Generau d’Aran entà finançar eth còst d’aguesta intervencion. (Totau subvencion dera ARC: 629.000,00€, aportacion deth CGA: 610.228,44€)

Des deth Govèrn auem comprenut tostemp aguesta infrastructura coma prioritària entà poder melhorar era eficiéncia dera gestion deth servici de recuelhuda de residus e ath madeish viatge optimizaram eth còst deth transpòrt” a explicat eth sindic d’Aran, Carlos Barrera.

Es òbres profiten es installacions dra antiga incineradora, que finalizèc era sua activitat er an 2003. Damb aguesta intervencion, se bastissen dues naus entar emmagazinatge des veïculs recollectors a dus nivèus e entara recepcion dera fraccion rèsta, atau coma eth sòn pretractament entà separar era fraccion organica dera rèsta.

Se bastissen uns “molls” de carga de refortiment entath classament e valorizacion tant des materiaus geridi enes tres deishalheries coma pera gestion de transferéncia des voluminosi. Tanben s’engodronen es dues plataformes der entorn des naus e se bastissen dues tolves receptores entà cargar es estatges mobils. Ath delà, s’arranjarà er accès d’entrada ara pleta ambientau damb era installacion d’ua bàscula cobèrta entath registre e contròl des entrades e gessudes.

Eth Govèrn aranés demore qu’es òbres siguen prestes a finaus d’an, s’es condicions climatiques ac permeten.

planta 2

 

Eth conselhèr de Territòri d’Aran, Jose A. Boya, a manifestat “era Val d’Aran darà un pas mès entà auançar e melhorar eth modèl de recuelhuda de residus en territòri e poder garantir uns servicis de qualitat”.

Eth director dera Agéncia de Residus de Catalonha, Josep Mª Tost, a soslinhat que “contunharà facilitant tot eth supòrt tecnic entà melhorar eth sistèma de recuelhuda de residus en Aran”.

Dempús dera demana deth sindic d’Aran, Carlos Barrera, ath director dera Agéncia de Residus de Catalonha entara reconstruccion dera deishalheria de Vielha destruïda pes aiguats der an 2013, Josep Mª Tost a informat ath sindic d’Aran er autrejament d’ua subvencion de 250.000€ per part dera ARC ath Govèrn aranés entara reconstruccion dera deishalheria de Vielha.

Enquià gèr deth 2015, eth Conselh Generau d’Aran auie era gestion dirècta dera recuelhuda, transpòrt e tres deishalheries, a compdar d’alavetz era concession l’a Romero Polo.

Comments are closed.