Eth govèrn d’Aran renauís eth convèni damb er Ajuntament de Naut Aran tara conservacion des camins deth municipi

  • Er objècte d’aguest convèni de collaboracion entre andues institucions, en quau eth Conselh Generau d’Aran invertís 45.000€, ei mantier ben condicionadi e nets es camins, sendèrs e pistes forestaus de Naut Aran

Eth Conselh Generau d’Aran renauirà eth convèni de collaboracion damb er Ajuntament de Naut Aran entath finançament deth mantenement e suenh des camins, sendèrs e pistes forestaus deth municipi.

“Mantier es nòsti camins e pistes ben condicionadi e nets ei primordiau entath  govèrn deth Conselh Generau”, afirmaue eth conselhèr de Territòri, Paisatge e Cambi climatic, Francés Bruna, que higie que: “damb aguest convèni, establim un mecanisme de collaboracion damb er Ajuntament de Naut Aran que mos ajude a suenhar er entorn naturau deth municipi entà que vesins e visitants poguen gaudir-lo pendent tot er an”.

En marc d’aguest convèni, eth Conselh Generau invertirà ath torn de 45.000 euròs en aguesti trabalhs, mentre qu’er Ajuntament aportarà era madeisha quantitat entà assumir de forma conjunta es actuacions de besonh.

Cau rebrembar, qu’en çò que hè ara rèsta de municipis aranesi, aguest servici de mantenement e condicionament ei assumit integralament peth Conselh Generau d’Aran.

Comments are closed.