• Eth Govèrn d’Aran a invertit 40.000 euros, a trauès d’ua ajuda deth Departament de Territòri, Abitatge e Transicion Ecologica dera Generalitat, ena milhora dera carretèra d’accès tath pòble de Canejan laguens deth “Plan de milhora e manteniment de camins dera Val d’Aran 2025”.

Eth Conselh Generau d’Aran trabalhe ena milhora des accèssi tàs nuclèus dera Val d’Aran entad aguest 2025 damb ua naua intervencion ena carretèra d’accès entath pòble de Canejan.

Es òbres an consistit en refortir era cauçada qu’ère erosionada e qu’auie de besonh un refòrç. Uns trabalhs que non an afectat eth nucli urban e qu’an de servir entà milhorar era foncionalitat dera via e tanben es condicions de seguretat deth transit arroderat der accès pera N-230.

Eth tram intervengut a ua longada d’uns 500 mètres, tanben s’a hèt ua intervencion puntuau en un aute punt deth traçat qu’ère en fòrça mau estat. Era pavimentacion s’a hèt damb aglomerat asfaltic en caud entà assolidar eth                              camin, recuperar era superfícia transitabla enes susamplades e milhorar era seguretat dera circulacion ath long de tota era via.

Es trabalhs an auut un còst totau de 40.000 mil euros a trauès d’ua ajuda deth Departament de Territòri, Abitatge e Transicion Ecologica dera Generalitat de Catalunya.

Vielha, 03 de seteme  2025