• S’avalorat e destacat a OVIHUEC.DAT ena categoria d’impacte e efècte multiplicador peth sòn modèl pionèr ena formacion d’un ramat public coma airina de gestion deth territòri e prevencion d’incendis.

En acte de reconeishement, que se hec en Collègi Oficiau d’Arquitèctes de Madrid, presidit pera vicepresidenta tresau deth govèrn e ministra entara Transicion Ecologica e Rèpte Demografic, Sara Aagesen, damb era preséncia deth secretari generau entara Transicion Ecologica, Francés Boya, s’autregèc aguest prèmi ath conselhèr d’Innovacion deth Conselh Generau e alcalde de Vilamòs, Oriol Sala e ara investigadora deth cicle dera vida der IRTA, Montse Nuñez.

Aguest prèmi ei resultat deth balanç hèt peth Plan de Recuperacion, Transformacion e Resiliéncia (PRTR) entà reconéisher eth trabalh de 39 entitats e projèctes qu’an mercat era diferéncia ena execucion des inversions destinades ara transicion ecologica en tota Espanha.

OVIHUEC.DAT prepause un modèl innovador entath foment dera ramaderia extensiva damb era formacion d’un ramat public de oelhes e crabes coma airina de gestion deth territòri, tà contribuïr ara prevencion d’incendis, ara sostenibilitat ambientau e ath desvolopament socioeconomic deth mèdi rurau.

Tau e com a comentat eth conselhèr d’innovacion, Oriol Sala: “Aguest prèmi met en valor un projècte qu’a un impacte reau e dirècte en territòri e es sòns abitants, damb fòrça possibilitats de poder recuperar fòrça des abiletats des nòsti auantpassats actualizades damb es naues tecnologies entà preservar eth mèdi ambient”.

Aguest reconeishement tanben se distinguís peth sòn caractèr replicable, e aufrís era oportunitat de poder-se implementar en d’auti territòris ruraus entà generar naui sistèmes de gestion forestau e ramadèra, e crear naui lòcs de trabalh.

Vielha, 16 de seteme de 2025