Meteo

Dimars damb nheuades importantes en còtes mieges e nautes dera Val d’Aran.

Actualizat: 20/02/2018 7:30

Aué dimars 20 de hereuèr auram ua jornada embromada damb precipitacions contínues e moderades, encara qu’en quauqui moments poderien èster intenses. Era còta de nhèu se plaçarà en torn as 1300 m pendent eth maitin, encara que pas s’escarte qu’era nhèu arribe puntuauments cap as 1.000 en forma de geladioa. Pera tarde era còta baisharà cap as 1.000 m e pera net as 800 m
Acumulacions de mès de 50 cm en còtes nautes e de mès de 25 cm en Baqueira 1500.
Vents moderadi de nòrd-oest damb quauqua bohada fòrta.
Temperatures pas fòrça heiredes mès damb pòca variacion pendent era jornada (2°/5° en hons de Val; -4°/-2° en còta 2.000).

Eth dimèrcles 21, es precipitacions seràn moderades pendent era maitiada e grana part deth maitin, en tot èster de nhèu en totes es còtes. A compdar de meddia remeteràn es nheuades e se dauriràn quauqui clari alternats damb bromes baishes. Vents deth nòrd-oest moderadi.
Temperatures en descenuda ath long dera jornada (-1°/4° en hons de Val, -10°/-3° en còta 2.000).

Eth dijaus 22 auram solei alternat damb quauques bromes a miei vessant. Vents fèbles de compausant nòrd.
Temperatures heiredes (-4°/4° en hons de Val; -14°/-8° en còta 2.000).

Se vatz a hèr activitats ena montanha vos recomanam que consultetz eth bulletin de lauegi deth Conselh Generau d’Aran donques qu’eth risc ei fòrt 4 sus 5 en còtes nautes.