Meteo

Diuendres damb nheuades abondiues en zònes nautes. Bon temps entara dimenjada.

Actualizat: 13/12/2019 7:30

Peth moment en çò qu’amiam d’aguest episòdi de nòrd-oest s’a acumulat mès de miei mètro de nhèu ena còta 2.500. Pendent era jornada d’aué se contunharà d’incrementar aguest celh e se superarà eth mètro en zònes nautes enes darrèri 3 dies.

Aué diuendres 13 de deseme, serà ua jornada embromada damb precipitacions abondiues de caractèr moderat, puntuauments intenses. Era còta de nhèu se plaçarà ath torn des 1.800 m damb variacions puntuaus, sustot entà nau. Acumulacions que pendent era jornada superaràn es 50 cm. Vents deth nòrd-oest damb quauques bohades fòrtes en zònes nautes.
Temperatures peth dessús des abituaus entara epòca (3°/11° en Bossòst; -1°/1° en Baqueira 1800).

Eth dissabte 14, a prumères ores encara demoraràn rèstes de bromes e bromalhs baishi. Pendent eth maitin se dauriràn clars. Pera tarde auram solei embaranat per bromalhs de tipe naut e miei. Vents loishi deth sud.
Temperatures en ascens (5°/14° en Bossòst; -1°/2° en Baqueira 1.800).

Eth dimenge 15, serà ua jornada esplendidaments assolelhada damb vents fèbles deth sud e temperatures doces entara epòca (4°/14° en Bossòst; -2°/1° en Baqueira 1800).