Meteo

Dimenjada variabla, damb nheuades que poderien deishar mès de 30 cm en Cap de Baqueira.

Actualizat: 22/1/2021 7:30

Aué diuendres 22 de gèr, serà ua jornada caperada, damb quauques clarulhes a darrères ores. Se produsiràn precipitacions entre fèbles e moderades qu’anaràn aloishant pendent era tarde, encara que pera net e maitiada poderien reactivar-se puntuauments. Còta de nhèu que descenerà des des 1.600 cap a totes es còtes a darrères ores. Acumulacions de 15 a 20 cm en còtes nautes.
Temperatures en descens ath long dera jornada (3º/10º en Bossòst; -5º/1º en Beret).

Eth dissabte 23, pendent eth maitin s’alternaràn bromes e clars. Era tarde serà un shinhau mès caperada. A darrères ores auràn quauqui borrats damb ua còta de nhèu sus es 1.300 m e ues acumulacions de 5 cm peth dessús des 2.000 m.
Temperatures en descens (-2º/5º en Bossòst; -6º/-1º en Beret).

Eth dimenge 24, eth maitin serà pro caperat. Pera tarde se dauriràn clarulhes. Precipitacions entre fèbles e moderades pendent era maitiada e prumères ores deth maitin, que desapareisheràn pendent era jornada e que se poderien reactivar a darrères ores. Celhs De 10 a 15 cm en Cap de Baqueira.
Temperatures normaus entà finaus de gèr (-1º/5º en Bossòst; -5º/0º en Beret).