Meteo

Dijaus damb precipitacions de maitin que desapareisheràn pera tarde. Estabilitat entàs pròplèus dies.

Actualizat: 23/1/2020 7:30

 

Entre era jornada d’ager e aguesta maitiada, s’an acumulat mès de 25 cm en còtes nautes.

Aué dijaus 23 de gèr, auram un maitin damb nivolositat abondiua, quauques clarulhes esporadiques e precipitacions entre fèbles e moderades que poderien deishar de 10 a 15 cm de nhèu naua en còtes nautes. En extrèm sud e est dera Val es nheuades seràn mès abondiues. Era còta de nhèu se plaçarà entre es 1600 e es 1400 m. Pera tarde anaràn aloishant es plojats e se dauriràn clars. Vents deth sud damb quauqua bohada moderada.
Temperatures normaus entara epòca (2°/8° en Bossòst; -3°/0° en Beret).

Eth diuendres 24, serà assolelhat damb quauqui bromalhs nauti e fòrça primi. Vents fèbles deth sud.
Descenuda des temperatures minimes que serà mès apreciables en zònes nautes (1°/9° en Bossòst; -7°/0° en Beret).

Eth dissabte 25, pendent eth maitin auram cèus embaranadi per bromalhs de tipe naut e miei. Pera tarde era nivolositat serà mès destacabla. A darrères ores pas s’escarte bèt fòrça fèble plojat.
Temperatura sense massa cambis (2°/9° en Bossòst; -5°/-1° en Beret).