11 podiums entàs patinadors aranesi deth CEGVA ena Copa CEGVA de patinatge artistic sus gèu

Eth Palai de Gèu de Vielha acuelhec era passada dimenjada, 21 e 22 d’octobre, era Copa CEGVA pròva dera Liga Catalana de Patinatge Artistic sus gèu.

Era competicion amassèc 60 patinadors deth club aranés deth CEGVA, des clubs catalans deth FC Barcelona e deth CEPAP, deth club andorran ACG e der aragonés CHJ.

 

 

Era passada dimenjada, 21 e 22 d’octobre, eth Palai de Gèu de Vielha acuelhec era Copa CEGVA, organizada peth Club d’Espòrts de Gèu Val d’Aran (CEGVA) e era Federacion Catalana d’Espòrts d’Iuèrn (FCEH). Aguesta Copa ei era prumèra pròva puntuable dera Liga Catalana de Patinatge Artistic sus gèu 2017-18, circuit qu’includís ath delà eth Trofèu San Jorge, era Copa Puigcerdà, era Copa Ciutat de Barcelona e era Copa Canillo.

 

 

PODIUMS COPA CEGVA:

Ena categoria Advanced Novice Femenin, era campiona siguec Marta Joly, deth FCB, seguida des companhes de club Fanny María e Erika Riera. En masculin, triomf en solitari entà Adrián Rodríguez deth CHJ.

En Alevin Femenin, eth podium tanben siguec “blaugrana”, damb era victòria tà Carla Sánchez seguida de Laura Fluvià e Claudia Barrionuevo. En òmes, eth campion en solitari siguec Juan Parra deth FCB.

Pera sua part, en Segona Categoria Femenin, era campiona siguec Ariadna Sibera deth FCB, per dauant de Georgina Serrallach deth CEGVA e dera aranesa, Iria España, tanben deth CEGVA. En òmes, Elvis Caubet der ACG se portèc eth triomf dauant d’Iñaki Arriese deth CHJ.

En Basic Novice A Femenin, Júlia Rodríguez deth FCB siguec era guanhadora per dauant dera sua companha de club Alexandra Martínez e de Mireia Puntí, deth CEPAP.

En Basic Novice B Femenin, podium format pera aranesa Lucía Sánchez deth CEGVA, seguida de Catherine Garcia der ACG e de Clara Fernández deth CEPAP.

En Regional Novice Femenin, victòria entà Edwige Gil der ACG, seguida dera aranesa Abril Pastor deth CEGVA. En òmes, triomf en solitari der aranés Martí Alonso deth CEGVA.

En Benjamin Femenin, Clara Sanjosé deth CEPAP siguec era guanhadora en ua disputada categoria, dauant de Laia Puntí, tanben deth CEPAP, e d’Enara Garcia der ACG. En masculin, Gael Foulon guanhèc dauant der aranés Telmo Ripa deth CEGVA.

En Cadet Femenin, prumèra posicion tà Ona Fito deth FCB, seguida dera aranesa Anne Ripa deth CEGVA e de Paula Foulon deth FCB. Çò que tanh a Debs A Femenin, era aranesa Naia España deth CEGVA siguec prumèra, seguida d’Adriana Galindo deth CHJ. En Debs A Masculin, triomf en solitari entar aranés Daniel Odriozola deth CEGVA.

En Debs Femenin, Andrea Pazos der ACG superèc ara sua companha de club Ariadna López, e Raul García der ACG siguec campion en òmes.

En Debutant Femenin, triomf tà Nur-Aynoa Yilmaz deth FCB, seguida des sues companhes d’equip Ariadna Gupta e Martina Sibera.

En Escòla Femenin, era guanhadora en solitari siguec Alma García-Bordallo deth CHJ.

En categoria Infantil A Femenin, victòria tà Laura Izquierdo deth CEPAP, seguida de Judit Capaces e Sandra Tor, tanben deth madeish club. En òmes, Pau Vilella deth CEPAP superèc a Guiu Oliver deth FCB.

Finauments, en Júnior ISU Femenin, Anna Bertran deth CEPAP s’imposèc a Laia Bertran deth FCB e Griselda Serrallach deth CEGVA. En Júnior A Femenin, victòria en solitari tara aranesa Ares Capdevila deth CEGVA.

 

 

 

Vielha, 25 d’octobre de 2017

 

Conselh Generau d’Aran: Núria Sanjuan

Hònt e fotos: CEGVA

Comments are closed.