Es nedadors aranesi deth Club Atletic Val d’Aran: Maria Rodríguez, Marc Ubeira, Aone Landa, Víctor Fernández e Tristán Cortés i participèren, e demoren poder participar ena 2au Jornada que debanarà en Lhèida eth pròplèu 22 de noveme

Eth passat dissabte, 25 d’octobre, era piscina deth Palai de Gèu de Vielha, siguec er scenari dera 1ª Jornada dera Liga per Equipes Benjamín e Prebenjamín de Natacion de Lhèida.

Se tracte dera prumèra competicion oficiau dera sason de natacion de Lhèida entàs categories des mès petiti, mainatges de 7 a 11 ans e mainades de 7 a 10 ans. Ei ua jornada ena qu’es nedadors participen sense cronometratge, de forma que non i a guanhadors ne cap de pression pes resultats.

Aguesta jornada, organizada peth Club Atletic Val d’Aran e damb eth supòrt deth Palai de Gèu de Vielha e er Ajuntament de Vielha e Mijaran, amassèc un totau de 140 nedadors de sies clubs de Lhèida: eth CN Lhèida, eth CN Tàrrega, eth CEN Balaguer, eth Club INEF Lhèida, eth CN Cervera e eth madeish Club Atletic Val d’Aran.

Es nedadors aranesi Maria Rodríguez, Marc Ubeira, Aone Landa, Víctor Fernández e Tristán Cortés i participèren, e demoren poder participar ena 2au Jornada que debanarà en Lhèida eth 22 de noveme.