Era passada dimenjada era equipa d’Interclubs deth Club Aranés d’Espòrts d’Iuèrn (CAEI) se trasladèc entara estacion ceretana de La Massella tà disputar eth 12au Trofèu Vila de Llívia.

Eth dissabte, 12 de març, 180 corredors se disputèren un gigant a on es corredores araneses, Ana Chesa (1a) e Ares Capdevila (3au) pugèren a naut de tot deth podium.

Eth dimenge, 13 de març, i auec era pròva d’Eslalom, Ana Chesa (2au) tornèc a pujar ath podium seguida dera sua companha d’equipa Aina Masip (3au).

En òmes siguec Pablo Costa (3au) qui pugèc a naut.

Aguesta corsa ei consolidada coma ua des mès importantes deth circuit d’Interclubs e puntuable entara Liga Catalana.

Vielha, 15 de març de 2016

Conselh Generau d’Aran: Núria Sanjuan

Hònt: CAEI