60 agents toristics indis especializats en torisme de negòcis visiten era Val d’Aran

3Diuendres, 5 de hereuèr de 2016.- Dempús de que est an passat era Val d’Aran siguec designada en Singapor finalista ena categoría Destination Leadership enes National Geographic World Legacy Awards, Anna Díaz conselhèra de Torisme e Desvolopament Economic deth Conselh Generau d’Aran auec era oportunitat de mantier desparières amassades de trabalh damb 18 operadors toristics asiatics as que convidèc a visitar era Val d’Aran entà conéisher era sua aufèrta toristica.

 

Era prepausa dera conselhèra Anna Díaz, s’a materializat aguesta setmana damb era visita ena Val d’Aran de 60 operadors toristics dera Network of Indian MICE Agents, especializadi en torisme de negòcis, que convidadi per Torisme Val d’Aran e pera Agència Catalana de Turisme, an agut oportunitat de veir tanben d’autes prepauses toristiques complementàries ara aufèrta de torisme de negòcis de Catalonha.

Era preséncia des operadors toristics indis ena Val d’Aran a servit a que poguen verificar de prumèra man era aufèrta complementària de lotjament, gastronomica, culturau, d’òci e de servicis qu’aufrís era Val d’Aran e mantier es prumèrs contactes damb empresaris aranesi deth sector, donques ua des destinacions preferides des toristes indis que visiten Euròpa ei Soïssa.

Pendent eth sòn sojorn ena Val d’Aran, es operadors indis assistiren anet en Parador d’Arties a ua session informativa sus desparières activitats de torisme actiu dera Val d’Aran, a on ath delà gaudiren de balhs de “Bollywood “en ua accion a cargue d’ua vintea de baraires dera escòla de dança Tchaikowisky de Vielha, que dirigís des de hè tres ans María Cinta Castillo. Ena jornada d’aué an agut era oportunitat de gaudir des pistes de Baqueira-Beret.

Anna Díaz, expliquèc que damb aguesta prumèra visita se preten qu’era relacion entre era Índia e era Val d’Aran se mantengue en temps e per part dera Generalitat de Catalonha, a trauès dera Agència Catalana de Turisme explorar era possibilitat d’establir vòls dirèctes que comuniquen eth país asiatic damb Catalonha.

1 2 4

Comments are closed.