• Escolans dera Val d’Aran visitaràn enquiath mes de març era exposicion plaçada ena glèisa de Sant Joan d’Arties.

Pendent aguest mes de hereuèr e març, escolans der INS d’Aran, Zer Val d’Aran, CEIP Garona de Vielha e era Escòla Sant Ròc de Bossòst visitaràn era exposicion “Umans e natura: Trobades inesperades, ua produccion pròpia deth Musèu dera Val d’Aran.

Era exposicion reflectís era relacion ath long deth temps der òme damb aguest petit trocet deth planeta, era Val d’Aran.

Era adaptacion der òme ara Natura e dera Natura ar òme ei ua luta constanta pera subsisténcia, eth contròl e era domeni d’aguesta.

Ne podem trèir profit, la podem explotar, mès, era se desencadene liura e sense limits, a viatges doçament e d’auti viatges feròça, en forma d’aiguats, lauegi, tèrratrems,…

Podem controlar-la? Podem dominar-la? O la podem conéisher, adaptar-mos-i e anar amassa.

Era exposicion “Umans e natura: Trobades inesperades” se pòt visitar enquiath 30 de març, ena glèisa de Sant Joan d’Arties.

Vielha, 12 de hereuèr de 2016

Conselh Generau d’Aran: Núria Sanjuan