70 persones participen en Cors de Sanitat e Igièna de carn silvèstre de caça

jornada sanitat carn2

 

Era passada dimenjada, eth Departament d’Agricultura, Ramaderia e Medi Naturau organizèc un Cors de Sanitat e Igièna de carn silvèstre de caça a cargue des professors Dr. Santiago Lavín, Dr. Gregorio Mentaberre e Dra. Roser Velarde, deth Servei d’Ecopatologia de la Fauna Salvatge SEFAS de la Facultat de Veterinària de la UAB.

Eth cors, que s’impartic ena sala d’actes deth Conselh Generau d’Aran, compdèc damb era preséncia deth conselhèr de Territòri d’Aran, Jose Antonio Boya, qu’arregraïc era preséncia des 70 participants.

 

jornada sanitat carn1

 

Er objectiu deth cors a estat dar compliment ath Reglament CE 853/2004 deth Parlament Europeu e deth Consell, de 29 d’abriu, peth quau s’establissen es nòrmes especifiques d’igièna des aliments d’origen animau.

 

jornada sanitat carn

 

En paraules deth conselhèr Jose Antonio Boya, “aguesta normativa permet que quinsevolh persona damb ua formacion suficienta sus eth programa deth cors, pogue certificar qu’es pèces de caça poguen èster transportades a un establiment autorizat de tractament de carn de caça e destinada ath sòn comerç entath consum uman”.

En acabar eth cors, a toti es assistents se les expedic un certificat d’assisténcia

 

 

 

Vielha, 26 de seteme de 2016

 

Conselh Generau d’Aran: Núria Sanjuan

Comments are closed.