Vielha, 14 de seteme de 2017.- Eth pròplèu dissabte 30 de seteme se celèbre era 7au edicion dera Vertical d’Aran Vielha-Montcorbison. Memoriau Tonet.
Era Vertical d’Aran, organizada per Era Pòrta d’Aran, ei era darrèra gran pròva de running dera sason ena Val d’Aran, damb arribada ena cresta deth Montcorbison a 2.170 mètres, dempús de 1.200 mètres de desnivèu positiu e pòc mès de 4 quilomètres de recorregut.
Era pròva ei dirigida a totes es persones amants der espòrt ar aire liure, e prepause tres recorreguts diferenti. Marcha Populara, dirigida a mainatges e adults, damb un minim de condicion fisica, entà caminar pes camins de montanha e camp a trauès. Pujada Verticau Aran, dirigit a persones abituades a ua activitat fisica d’apuprètz 3 ores, en tot caminar per pistes, camins de tèrra, senders e camp a trauès. Carrèra Verticau Aran, enfocada a persones abituades a córrer pera montanha.
Marcha Populara: 2Km/500m +. Gessuda tas 9:30 ores des dera Bassa d’Oles. Transpòrt de Vielha tas 9:00 ores
Pujada Populara Verticau Aran: 4,2Km/1.200m +. Gessuda tas 10:00 ores des dera Plaça dera Crotz d’Occitània (rotonda de Vielha).
Carrèra Verticau Aran: 4,2Km/1.200m +. Gessuda tas 11:00 ores des dera Plaça dera Crotz d’Occitània (rotonda de Vielha).
Es organizadors non exigissen un materiau minim indispensable entà participar ena pròva, mès recomanen portar ròba d’abric, aigua, bastons e un telefòn. Ath delà, tanben se recomane revisar era informacion meteorologica entà adaptar eth materiau segontes era climatologia ena data dera pròva.
Es inscripcions entà participar en aguesta 7au edicion, se pòden formalizar ena botiga d’Era Pòrta d’Aran, Plaza Sant Orenç, 2 de Vielha, de 16:30 a 20:30 ores o ben en portau web http://eraportadaran.com/vertical-aran/
Entà mès informacion podetz trucar ath +34 630 060 296
Era pròva compde damb eth patrocini e era collaboracion deth Conselh Generau d’Aran, er Ajuntament de Vielha e Mijaran e es Volentaris Val d’Aran
