Dus nedadors deth club aranés de natacion, Vielha Swim Team, sigueren convocadi era setmana passada entà participar en Entrenament Conjunt organizat pera Federacion Catalana de Natacion.

Es nedadors aranesi Aner Serrano e Martina Torres, de categoria prebenjamin, se desplacèren tàs installacions deth Club INEF Lleida, a on receberen instruccions tecniques e practiques entà melhorar eth sòn rendiment ena frequéncia de braçada e en “batut” de pès.

Es propères activitats deth Vielha Swim Team seràn era Fasa Intercomarcal de Vielha e de Pont de Suert e era Copa Marnaton eDreams d’aigües dubèrtes.

Vielha, 24 d’abriu de 2019

Conselh Generau d’Aran: Núria Sanjuan

Informacion e fotos: Vielha Swim Team