2au fasa Aran Accion 2020-2030

Pendent aguesti ans, Aran a evolucionat e an apareishut naui rèptes e oportunitats. Per açò volem tornar a escotar era ciutadania e conéisher quines son es prioritats actuaus entà bastir amassa er Aran que volem entà er an 2030.

Es aportacions remassades s’analisaràn amassa damb d’auti procèssi participatius en cors tà obtier ua vision globau des besonhs dera ciutadania e non doblar procèssi.

Se harà un retorn des resultats d’aguesta dusau fasa dempús d’auer analizat e organizat tota era informacion recebuda a trauès deth qüestionari.

Qué ei Aran Accion 2020-2030?

En 2020, mès de 200 persones participèren en debat dubèrt Aran Accion 2020-30 a trauès d’amassades periodiques en 7 grops de trabalh. Alavetz, s’auec de hèr telematicament pr’amor dera pandèmia dera COVID-19, que tanben suposèc disposar de mès temps entà méter en comun es diuèrses prepauses.

Eth govèrn aranés, transformèc tota era informacion ciutadana compartida en un Plan Estrategic e pendent aguesti darrèri 6 ans, a hèt realitat eth 88% de totes es aportacions dera gent d’Aran que formèc part d’aqueth procès participatiu.

Mès a mès, en identificar era innovacion coma èish transversau der amàs de demandes ciutadanes enes 7 grops de trabalh, eth Conselh Generau creèc eth centre d’innovacion territoriau: HèPic que impulse projèctes pilòt d’innovacion damb empreses deth territòri entà diversificar era economica aranesa.