• Eth Conselh Generau d’Aran organize un cors entà formar a professionaus ena atencion sociosanitària a persones en situacion de dependencia que començarà en octubre d’enguan e finalizarà en mai der an que ven en tot obtier eth certificat professionau de grad C.

• Aguest cors s’impulse a trauès des Servicis Assistenciaus de Benèster e Salut e s’impartirà pera Escòla de Tecnics Esportius dera Val d’Aran (ETEVA) en Vielha.

Eth pròplèu mes d’octobre començarà eth cors qu’organize eth Conselh Generau d’Aran a trauès des sòns Servicis Assistenciaus de Benèster e Salut, entà formar a professionaus en àmbit dera atencion a persones damb dependéncia.

Aguesta formacion, subvencionada peth Conselh Generau, anarà d’octobre deth 2025 a mai deth 2026, permeterà obtier eth certificat de professionau grad C.

Eth contengut d’aguest cors formatiu constarà de qüestions relacionades damb era organizacion dera intervencion en àmbit institucionau, intervencion ena atencion ingienico alimentària e sociosanitària en institucions, supòrt psicosociau, atencion relacionau e comunicativa e un mòdul de practiques professionaus non laboraus.

Entà mès informacion e inscripcions ei de besonh contactar en:

973.64.00.04 (Aran Salut) o en corrèu ssaran@aransalut.com

973.64.45.95 (ETEVA) o en corrèu j.barrera.eteva@aran.org

Vielha, 12 de seteme de 2025