Esquí aupin– Trofèu Blanca Fernández Ochoa
Era estacion de Baqueira Beret a acuelhut eth Trofèu FIS Blanca Fernández Ochoa, ua des pròves destacades deth calendari internacionau d’esquí aupin. Era competicion s’a disputat en disciplines de slalom, damb participacion d’esportistes femenines e masculins de diuèrsi clubs e païsi.
Reconeishement especiau entath gran resultat obtengut per Marc Ubeira, esportista aranés e membre dera equipa nacionau dera RFEDI, que confirmèc eth sòn naut nivèu competitiu en ua pròva d’exigéncia maxima. Era sua actuacion represente un motiu d’orgulh entara Val d’Aran e un exemple de projeccion der espòrt aranés en encastre nacionau e internacionau.
Esquí de hons – Copa Pirenèus e Marcha CAEI-Naut Aran
Parallèlament s’an desvolopat es pròves dera Copa Pirenèus d’Esquí de Hons, amassa damb era Marcha CAEI-Naut Aran, qu’a permetut era participacion de joeni e adults, en un ambient familhau e de convivéncia. Aguesti eveniments an metut en valor eth potenciau dera Val d’Aran entara practica der esquí de hons e era importància der espòrt de basa.
Jornada “Deporte y Mujer”
En marc d’aguesta dimenjada esportiva, s’a realizat ua charrada sus espòrt e hemna, damb era participacion de Paula Fernández Ochoa e Edurne Pasaban, figures de referéncia der espòrt d’iuèrn e dera montanha. Era jornada a estat un espaci de reflexion sus es rèptes, es oportunitats e eth lideratge femenin en espòrt, atau coma sus era importància de generar referents femenins entàs naues generacions.
Des deth Departament d’Espòrts deth Conselh Generau d’Aran e, eth Centre Especializat en Tecnificacion d’Espòrts d’Iuèrn- CETEI Val d’Aran hèm ua avaloracion fòrça positiva d’aguestes activitats, que combinen competicion, promocion der espòrt de basa e sensibilizacion sociau, e que contribuïssen a posicionar era Val d’Aran coma un territòri de referéncia en espòrts d’iuèrn, comprometut damb era igualtat, era coesion sociau e eth desvolopament personau a trauès der espòrt.
#ValdAran #ConselhGeneraudAran #AranEnMoviment #EspòrtsDIuèrn #EsquíAupin #EsquíDeHons #TalentAranés #EsportAmbValors #IgualtatEnEsport #DeporteYMujer