Eth Govèrn d’Aran a trauès dera enterpresa SAVA SL, a realizat diuèrses accions per tot eth territòri.

S’a installat un tendolet ena zòna d’Aiguamòg, entà dar acuelhi as visitants dera zòna de nauta montanha des Pirenèus. S’a implementat un dessenh deth tendolet cossent damb eth miei damb era fin que s’intègre laguens deth païsatge. D’ací qu’eth bastiment s’a realizat damb un unic materiau, estructura metallica e barrament de hèr. Eth tendolet a 6 mètros de long e 4 d’ample.

Es darrèri dies tanben s’a amiat a tèrme era retirada d’un arbe queigut en exterior dera Residéncia de Temps de léser de Les, entà evitar incomoditats e era possibla perilhositat. Un còp talhat e esbrancat er arbe, s’a procedit ara retirada dera husta.

Un aute des trabalhs a consistit ena neteja des franges, enquia 3 mètros d’ample, des accèssi ar elipòrt de Vielha. Uns còp talats e podadi es arbes der entorn entà facilitar era plea visibilitat der elicoptèr s’a procedit a trissar es branques. Aguesta accion contribuís tanben a assegurar eth normau foncionament des servicis d’emergéncies dera Val d’Aran.