• Eth Conselh Generau d’Aran, atau coma diferents associacions de hemnes e Ajuntaments deth territòri, an organizat diferents activitats entà commemorar aguest 8 de març

Eth dimèrcles, 8 de març, se celèbre eth Dia Internacionau dera Hemna e era Val d’Aran acuelherà diferents actes commemoratius que se celebraran pendent tot eth mes de març.

Ath delà des actes dejà abituaus d’aguest mes coma era lectura deth manifèst peth dia Internacionau dera Hemna e era 9au edicion dera Corsa dera Hemna, qu’enguan aurà lòc eth dimenge 26 de març, i aurà tot tipe d’activitats e talhèrs adreçadi a diferents publics.

Atau madeish, se presentarà eth nau Servici pes drets des Hemnes e persones LGTBIQ+ en diferents municipis deth territòri e es Ajuntaments e associacions an organizat tanben tota sòrta d’activitats, que se pòden consultar en programa d’actes.