Vielha, 20 de junhsèga de 2018.- Eth pròplèu dimars 24 de junhsèga part dera 16au etapa deth Tour de França 2018 passarà pera Val d’Aran. Damb motiu deth pas dera etapa se produsiràn quauques afectacions ath trafic en desparièrs moments deth dia.

A continuacion, se pòden informar sus es afectacions en tot auer en compde qu’es oraris des talhs de trafic son aproximadi.

Era 16au etapa deth Tour de França deth 24 de junhsèga damb gessuda en Carcassona e arribada a Bagnères de Luchon de 218km, passarà pera Val d’Aran (Les e Bossòst), en tot entrar per Pontaut, ena termièra aranesa damb França e en tot gésser peth Pòrt deth Portilhon en en direccion entà Luchon damb un recorregut totau de 18 quilomètres.

Pòt consultar toti es detalhs dera etapa ací https://www.letour.fr/es/etapa-16