Vielha, 25 de gèr de 2019.- Deth diuendres 25 enquiath 27 de gèr se celèbre ena Val d’Aran era Universitat Internacionau d’Iuèrn “Aran Me Fecit” organizada peth Conselh Generau d’Aran damb era collaboracion de Musèus dera Val d’Aran, Universitat de Navarra, Universitat Rovira i Virgili, era School of Architecture dera Universitat Internacionau de Catalonha, Museu Nacionau d’Art de Catalonha, Universitat de Barcelona, Avescat d’Urgelh, Aula d’Extension Universitària dera Gent Grana d’Aran, e er Institut d’Estudis Aranesi – Acadèmia aranesa dera lengua occitana.
Era conselhèra de Torisme d’Aran, Anna Díaz, a inaugurat aguest maitin era Universitat d’Iuèrn “Aran Me Fecit” que compde damb 45 alumnes. Era presentacion a agut lòc en Conselh Generau d’Aran e a compdat damb era preséncia des professors e des alumnes que realizaràn eth cors.
Eth cors dera Universitat Internacionau d’Iuèrn, includís conferéncies e visites enes glèises e er auviatge aranés, e complète eth cicle “Aran Me Fecit” que compde damb era exposicion sus auviatge Sacre aranés que s’expose era planimetría, fotografies e documentacion sus 42 glèises e capèles araneses que se pòt veir enquiath 27 d’abriu de 2019 de deluns a dissabte de 17.00 a 20.00 ores en Sant Joan d’Arties, e era edicion deth libre “Aran Me Fecit” damb un mapa dera planimetría e fotografies damb detalhs des glèises dera Val d’Aran amassa damb articles de referéncia sus cadun des aspèctes der auviatge Sacre dera Val d’Aran des membres deth comitat editoriau e de destacadi especialistes mondiaus coma Serge Brunet, dera Universitat de Montpelhièr; Manuel Castiñeiras, dera Universitat Autonòma de Barcelona; e Howard Bradley, dera Universitat de Cambridge.
Es conferéncies deth cors anaràn a cargue de Jèp de Montoya e Parra, assessor de Cultura deth Conselh Generau d’Aran; Josep Lluis Ginovart, director dera School of Architecture dera Universitat Internacionau de Catalonha; Julia Pavón Benito, professora titulara d’Istòria Medievau e directora deth Departament d’Istòria, Istòria der Art e Geografia dera Universitat de Navarra; Agustí Còsta Jover, Doctor Arquitècte e professor dera Escòla Tecnica Superiora d’Arquitectura (ETSA) dera URV; Elisa Ros Barba, tecnica de Patrimòni Culturau deth Conselh Generau d’Aran; Jordi Camps i Sòria, conservador cap der Airau d’Art Romanic deth Musèu Nacionau d’Art de Catalonha (MNAC); Carla del Valle Lafuente, directora de Musèus dera Val d’Aran; Juan Antonio Olañeta Molina, Doctor en Istòria der Art e professor associat dera Universitat de Barcelona (UB); Jusèp Loís Sans Socasau, president der IEA-Acadèmia aranesa dera lengua occitana; Thaïs Rodés de Serrablo, investigadora en Departament d’Istòria, Istòria der Art e Geografia dera Universitat de Navarra; Sergio Coll Plà, Doctor Arquitècte e professor dera Escòla Tecnica Superiora d’Arquitectura (ETSA) dera URV; Mónica López Piquer, professora adjunta dera School of Architecture dera Universitat Internacionau de Catalonha; e Mónica Rodríguez Sanpedro, tecnica de Musèus dera Val d’Aran.