Vielha, 9 d’octobre de 2018.- Agustí Roc e Arce Feixas s’an proclamat guanhadors en categoria masculina e femenina dera 8au edicion dera Vertical Aran Vielha-Montcorbison, Memorial Tonet, organizada per Era Pòrta d’Aran.
Era pròva, darrèra carrèra de Trail Running dera sason ena Val d’Aran, s’a disputat damb ues condicions meteorologiques immelhorables, damb gessuda des dera Plaça dera Crotz d’Occitània en Vielha e era Bassa d’Oles, enquiath cim deth Montcorbison a 2.170 mètros, dempús de 1.200 mètros de desnivèu positiu e 4 quilomètres de recorregut.
Era Vertical Aran cònste de tres recorreguts desparièrs. Marcha Populara, Pujada Populara Vertical Aran e Carrèra Vertical Aran, qu’an prenut en era part quasi un centenat de participaires entre corredors e caminaires.
En categoria masculina es tres prumèrs classificadi an estat:
1- Agustí Roc
2- Marc Sabater
3- Miguel Caballero
En categoria femenina es tres prumères classificades an estat:
1- Arce Feixas
2- Ares Izard
3- Policarpia Choque
Era pròva a compdat ath delà damb era participacion d’Oscar Carrasco, campion dera Ultra Trail Naut Aran; Francesc Solé, dus còps guanhadors dera Ultra Trail Andòrra; e Iu Escolà, campion dera Mila Vertical d’Àreu 2018, entre d’auti.
Era Vertical Aran Vielha-Montcorbison, Memorial Tonet compde damb eth patrocini e era collaboracion deth Conselh Generau d’Aran, Ajuntament de Vielha e Mijaran e Volentaris Val de Aran.
