Era musiciana aranesa, Alidé Sans, a estat nominada coma “MILLOR ARTISTA EN ALTRES LLENGÜES DEL 2015″ enes prèmis ENDERROCK 2016, a nivèu de tota Catalonha.
Actuauments ei eth dusau torn de votacions, e Alidé se tròbe entre artistes coma: Love of Lesbian, Estopa, Ramon Mirabet, La Raíz, Núria Graham…
Eth guanhador se decidirà per votacion populara. Era data limit ei eth 9 de hereuèr.
Alidé Sans a manifestat “voi compartir que sonque hèr part d’aguesta lista ja ei tota ua reconeishença, non sonque tà jo, mès tanben tara nòsta lengua! Signifique era introduccion der aranés ena scèna dera musica catalana, era sua preséncia en hilat sociau culturau. Lengua minoritària, mès oficiau en aguest territòri. Èm pòqui mès i èm, e i seram! E sonque açò, ja ei ua benediccion.”
Se voletz votar:
▲1. Eth vòste VÒT! (frairs, amics, cosins…)
Ena imatge s’expliquen es passi a seguir.
N’i a pro damb escríuer era adreça electronica, non cau méter eth telefòn ne facebook, twitter…
▲2. COMPARTIR aguesta publicacion!
Vos deisham un link entà poder escotar-la: https://www.youtube.com/watch?v=-DKVbvWL0FE
Vielha, 3 de hereuèr de 2016
Conselh Generau d’Aran: Núria Sanjuan