Ambient de celebracion per Sant Jòrdi ena Val d’Aran

Vielha, 23 d’abriu de 2016.- Eth dia de Sant Jòrdi a començat ena Val d’Aran damb punts de venta de ròses e libres en carrèr. De 12 a 13 ores deth meddia a agut lòc era lectura populara de tèxtes literaris en aranés damb motiu dera celebracion dera hèsta de Sant Jòrdi, ena plaça deth Conselh Generau, organizada en collaboracion damb era Associacion Lengua Viua, qu’a anat acompanhada d’ua mòstra des òbres en aranés editades peth Conselh Generau d’Aran.

IMG_20160423_123122

Poesia en aranés en campanau dera glèisa de Vilac

Eth dia de Sant Jòrdi, tanben s’a celebrat ena Val d’Aran damb ua lectura de poèmes des de naut deth campanau dera glèisa de Vilac, era lectura de poèmes “Vèrsi des deth campanau” organizat pes Servicis Culturaus dera Generalitat de Catalonha enes Tèrres de Lhèida en collaboracion damb eth departament de Cultura e Lengua deth Conselh Generau d’Aran, a compdat damb era participacion de Jacob Muñoz, de Vilac, qu’a liejut poèmes de Mossen Condò e de Xavi Gutiérrez Riu; e de Rosa Mari Salgueiro, qu’en representacion dera Associacion Lengua Viua, liegec poèmes de de Clara Vilches Caubet.

IMG-20160423-WA0049 IMG-20160423-WA0039 IMG-20160422-WA0014 IMG-20160422-WA0012

 

Comments are closed.