• Eth parc se tròbe en Portilhon, a 6km deth pòble de Bossòst.
Es Pirenèus e era fauna sauvatja se tròben a compdar deth 2013 en Aran Park, plaçat en ua des vessants deth Pòrt deth Portilhon entre era Val d’Aran e Bagnères de Luchon, eth parc de fauna, cada còp damb major riquesa d’animaus, demore convertir-se entath visitant en un cornèr entà compréner melhor era natura e era fauna que mos entore.
Foto: Aran Park
Damb ua superfícia de vint ectares, era visita transcor en un recorregut de 2 ores a on se pòden observar catorze espècies diferentes d’animaus, damb un totau de mès d’un centenat d’animaus, tant de mamifèrs coma d’audèths, en semi libertat (ossi, gatilops, isards, marmòtes, lops blanqui, cèrvis,…)
Foto: Aran Park
Aran Park aufrís as visitants ua sensacion de proximitat e libertat en tot observar es animaus en sòn pròpi abitat. Atau madeish les permet descorbir e calar-se enes imponents bòsqui qu’auem en territòri.
Enguan un des sòns animaus mos a premanit ua preciosa suspresa qu’agradarà a petiti e grani, non dobtatz en anar-i tà descorbir-la.
Foto: Aran Park
Aran Park inície era sason eth 19 de març en tot daurir toti es dies enquiar 1 de noveme, de 09:30 a 18:00 ores, e enquiàs 19:00 ores es mesi de junhsèga e agost. Dispause d’un airau de picnic ath cant d’un snack-bar, daurit es dimenjades, hèstius e vacances escolares, en quau s’aufrissen begudes e servici de minjars.
Mès informacion: www.aran-park.es
Vielha, 11 de març de 2016
Conselh Generau d’Aran: Núria Sanjuan