Arribe era IVau edicion deth “LES&FUN” en pòble de Les

  • “Les&Fun” ei ua hèsta diürna damb léser, cultura e gastronomia, ua cita damb diferenti grops musicaus en quate scenaris e oraris diferenti distribuïdi peth pòble de Les damb musica: flamenca, funk, rock, salsa,… .
  • Un an mès i aurà eth “Petit Les&Fun” damb activitats infantiles, atau coma diferenti talhèrs, palhassi, pinta cares e Circ entà que mainatges e adults poguen gaudir d’aguesta idèa tan originau.
  • Coma nauetat, enguan entàs 13:00 ores “barbacoa” populara damb musica en dirècte e jòcs entàs mainatges.

 

L&F CARTEL A3 ESPAÑOL 2016_retoc

Aguest dissabte, dia 20 d’agost, aurà lòc en pòble de Les era quatau edicion deth hestivau “Les&Fun” damb eth sòn ja coneishut format de romeria musicau ath long dera vila pes sòns scenaris mitiqui e establiments pendent tot eth dia enquia plan entrada era net.

“Les&Fun” ei ua hèsta diürna que damb léser, cultura e gastronomia en un ambient saludable e un entorn naturau. Eth concèpte de romeria musicau ei ua cita damb diuèrsi grops musicaus (flamenco, funk, rock, salsa,…) en quate scenaris e oraris diferenti distribuïdi peth pòble entà gaudir d’aguesti paratges. Es grops actuaràn d’un en un damb çò qu’eth public cambiarà de lòc. Ara fin deth dia, era hèsta aurà durat entre 10 e 12 ores.

 

LES&FUNpgLES

 

Cada scenari serà en un lòc diferent, a on collaboraran locaus deth pòble en tot proporcionar minjar e begudes. Cau arrebrembar que “Les&Fun” ei er unic eveniment d’aguestes caracteristiques que se celèbre ena Val d’Aran e atrè a public dera rèsta dera Val d’Aran e de França.

Enguan coma nauetat a compdar des 13:00 ores i aurà ua “barbacoa” populara damb musica en dirècte e jòcs tàs mainatges.

 

LES&FUN_7019

 

Ath delà, coma cada an eth “Petit Les&Fun” aufrirà activitats infantiles, atau coma diferenti talhèrs, palhassi, pinta cares e Circ entà que mainatges e adults poguen gaudir d’aguesta idèa tan originau.

 

“Les&Fun” compde damb era collaboracion deth Conselh Generau d’Aran e de Foment Torisme Val d’Aran.

 

Mès informacion: https://www.facebook.com/lesandfun

 

 

 

Vielha, 16 d’agost de 2016

 

Conselh Generau d’Aran: Núria Sanjuan

Comments are closed.