Vielha, 24 d’agost de 2018.- Eth pròplèu dimenge 26 d’en agost debanarà ua naua edicion, e ja en son 22 dera Còrsa e Caminada des 15 pòbles, organizada pes Volentaris d’Aran.
Era Còrsa e Caminada des 15 pòbles ei ja ua activitat esportiua assolidada que a compdar des sòns origins cerque a trauès d’aguesta pròva esportiua era recuperacion des ancians camins e es vies de comunicacion entre es pòbles pirenencs, en tot passar a èster part der auviatge naturau e tanben istoric dera Val d’Aran.
Era pròva aufrís era possibilitat de caminar o córrer enes circuits de quate distàncies: 21 Km, 11 Km, 15 Km e 5 Km, e era corsa juvenila.
Es recorreguts se desvolòpen pes diferenti pòbles dera zòna deth Baish Aran e Mijaran, damb inici en Es Bòrdes e finau en Vielha, a excepcion dera de 5 Km qu’ei era carrèra juvenila e ges de Montcorbau, e ei daurida a tota era gent que la volguen hèr en tot caminar.
Amassa damb era Còrsa e Caminada des 15 pòbles, se disputaràn era XIXau edicion deth trofèu Roland Ginè, eth 5au Trofèu Maribel e Iñigo, e eth 3au Trofèu Arturo Riba.
Es inscripcions se pòden hèr per Internet ena web: www.corsa15pobles.org
PROGRAMA
Dissabte 25 d’agost
De 10:00 a 13:00 ores e de 18:00 a 20:00 ores: Inscripcions presenciaus e recuelhuda de dorsaus en Conselh Generau d’Aran (Passeig dera Libertat, 16 de Vielha).
Dimenge 26 d’agost
De 07:30 a 08.15 ores. Gessuda deth transpòrt entara poblacion d’Es Bòrdes des dera estacion d’autobús de Vielha (Av. Alcalde Calbetó Barra- Deuant d’Era Audiovisuau).
De 09:00 a 10:00 ores. Gessuda d’Es Bòrdes des diferentes pròves (21Km, 15 Km e 11 Km).
De 09:30 a 10:15 ores. Gessuda deth transpòrt enta Montcorbau, des dera estacion d’autobús de Vielha (Av. Alcalde Calbetó Barra – Deuant d’Era Audiovisuau).
Tas 11:00 ores. Gessuda de Montcorbau dera Corsa Trofèu Roland Giné (Corsa Juvenila) e dera Caminada de 5Km.
13:00 ores. Barrament dera pròva en Betlan, a 5 km dera mèta.
13:00 ores. Ceremònia de prèmis ena Plaça deth Conselh en Vielha e sorteig dera tòia.
14:00 ores Barrament de Mèta en Vielha.
