• Pendent era maitiada de deluns a dimars e, sustot, pendent eth maitin de deman 20 d’agost, se demoren ploges intenses e puntuauments de caractèr torrenciau

• Era AEMET e eth SMC an emetut avisi de risc per acumulacions de precipitacion prevista

Er airau de Proteccion Civila deth Conselh Generau d’Aran, cossent damb es previsions meteorologiques previstes entà deman, dimars 22 d’agost, demane precaucion ara societat aranesa.

Pendent era maitiada de deluns a dimars e, sustot, pendent eth maitin de deman 20 d’agost, se demoren ploges intenses e puntuauments de caractèr torrenciau, atau coma informe eth servici de meteorologia aranés, Meteoaran.

Era Agéncia Estatau de Meteorologia deth Govèrn d’Espanha (AEMET) e eth Servici Meteorologic de Catalonha (SMC) an emetut avisi de risc per acumulacions de precipitacion prevista, que poderien superar es 80 mm en 6 ores e 40 mm en ua ora.

Non se demore cap afectacion en hilat idrologic primari, tot e que i poirie auer quauques creishudes subtes en segondari e, sustot, ena terciari. Enes nuclèus urbans se poirie arribar a superar en cèrti moments era capacitat de desaigüe der hilat e son possibles tanben quauqui botassi.

Entà mès informacion, se pòt consultar era plana web de meteorologia deth Conselh, a on se mantierà era informacion actualizada.