Era dimenjada passada, 30 e 31 de març, clarejaue damb eth cèu corbit e leugères precipitacions en forma de nhèu a compdar des 2.300m damb ua leugèra brisa de nòrd.

Ena estacion d’esquí de Sierra Nevada se disputèren eth Campionat d’Espanha de SBX e era 3au Fasa de Copa d’Espanha de SBX.

Era pròva siguec eth punt d’amassada entà mès de 150 riders que se dèren cita ena disputa pes medalhes, a on joeni riders de tot er estat disputèren era competicion en un circuit de boardercross bastit ath laguens deth snowpark de Sulayr.

Ath delà, en tot finalizar era pròva se determinarie era classificacion per punts ena Copa d’Espanha 2018/2019 e es sòns respectius pòdiums, damb era disputa dera sua 3au fasa en Sierra Nevada dempús des dues anteriores en Formigal e Baqueira Beret.

Resultats:

Era seccion de snowboard s’adjudiquèc un pòdium en Campionat d’Espanha ena categoria absoluta femenina de SBX.

Era aranesa deth CAEI, Anna León, finalizèc ena 3au posicion.

Era seccion de snowboard s’adjudiquèc un pòdium ena 3au Fasa dera Copa d’Espanha ena categoria absoluta femenina de SBX.

Anna León finalizèc 3aua.

Vielha, 2 d’abriu de 2019

Conselh Generau d’Aran: Núria Sanjuan

Informacion e fotos: CAEI