• Era sindica d’Aran, Maria Vergés a visitat es installacions tà conéisher es naui auanci dera man des tecnics der airau.

• Era renovacion der espaci servís entà hèr mès gran er airau de preanalitica e relocalizar-i diuèrses equipes tà facilitar eth trebalh deth personau tecnic e milhorar-ne era eficiéncia.

Eth Hilat de Diagnostic Biomedicau e entara Imatge (Dibi) a culminat era modernizacion deth laboratòri d’Analisis Cliniques der Espitau Val d’Aran, ua intervencion que permet ampliar er airau de preanalitica, refortir era capacitat operativa e posicionar eth centre coma laboratòri de referéncia entà mètges e pacients.

Era renovacion s’a hèt en madeish espaci entà optimizar-ne era distribucion. Açò a permetut ampliar er airau de preanalitica e relocalizar-i diuèrses equipes, entà facilitar eth trabalh deth personau tecnic, redusir desplaçaments innecessaris e milhorar era eficiéncia deth trabalh diari.

Aguesta accion s’includís en un plan globau deth Laboratòri de Referéncia de Catalonha (LRC), integrat en hilat dibi, que prevé era modernizacion des 14 laboratòris d’analisis cliniques que gestione en diferenti espitaus publics de Catalonha.

Era capacitat operativa s’a vist refortida damb era duplicacion dera equipa d’immunoquimica, un hèt que garantís era continuitat assistenciau en cas de pana, permet mantier es tempsi de responsa e evitar era derivacion de mòstres tath Laboratòri Core de Mas Blau, auent en compde qu’er Espitau Val d’Aran se tròbe a lèu 300 quilomètres de distància.

En aguesta visita, era sindica d’Aran, Maria Vergés, a manifestat: “Aguest espaci adaptat as naues tecnologies supause un pas endauant ena milhora dera assisténcia sanitària der Espitau Val d’Aran tara ciutadanetat” e a hijut que “represente un saut qualitatiu entà agilizar es resultats derivadi deth laboratòri, çò que permeterà escuerçar eth temps de demora tà auer es diagnostics medicaus”.

Aguesta modernizacion tanben impulsarà un modèl de laboratòri intelligent que permeterà milhorar es tempsi de responsa, era precision diagnostica e era eficiéncia, e consolidar eth projècte clinic de ”right care”.

Aguesta renovacion s’emmarque en un plan globau de Laboratòri de Referéncia de Catalonha (LRC), integrat en hilat dibi, que modernizarà es 14 laboratòris d’analisis clinics que gestione en diferenti espitaus publics de Catalonha.

Maugrat non auer incorporat naues tecnologies, òc que s’a refortit era capacitat operativa. S’a duplicat era equipa d’immunoquimica, hèt que garantís era continuïtat assistenciau en cas d’avaria, mantier es tempsi de responsa e evitar era derivacion de mòstres ath Laboratòri Core de Mas Blau, un aspècte a tier en compde dat qu’er Espitau se tròbe a lèu 300 km de distància.

Vielha, 24 de març de 2026